| 9. Практика нәтижелерін қорғауды ұйымдастыру
Университеттен бекітілген практика жетекшілері ол аяқталғаннан кейін бір апта ішінде деканатпен және кафедрамен келісілген мерзімдерде практика бойынша есеп беруді дифференциацияланған баға қойылатын сынақ түрінде қорғаудың ұйымдастырылуын қамтамасыз етеді, бұл туралы сынақ ведомостына, студенттің сынақ кітапшасына және оқу карточкасына тиісті жазулар жасалады.
Практика бойынша берілген есепті қорғау кафедра меңгерушісі тағайындаған комиссияның алдында жүзеге асырылады.
Практика бойынша берілген есепті қорғаған кезде практика бағдарламасының орындалу көлемі, құжаттарды рәсімдеудің дұрыстығы, мінездеме-пікірдің мазмұны, практика жетекшісі қойған сұрақтарға берілген жауаптардың дұрыстығы, есеп беруге қосымша тіркелген құжаттарды талдай білу елеп-ескеріледі..
Студенттердің практикасын бағалау критерийлері:
практика бағдарламасына және дербес тапсырмаларға сәйкес, жиналған материалдың біліктілік деңгейі;
лауазымдық міндеттерді орындау және практика өткен ұйымның қызметін реттеп отыратын нормативтік актілерді білу бойынша қойылған сұрақтарға кәсіби түрде және білімін көрсете отырып жауап бере білу;
практика өткен жердегі ұйымның мінездеме-пікірінің мазмұны.
Практика бойынша сынақ теориялық оқыту бойынша бағалауларға (сынақтарға) теңдестіріледі және студенттердің жалпы үлгерімінің қорытындыларын шығарған кезде ескеріледі.
Практика бағдарламасын дәлелді себеппен орындамаған студенттер оқудан бос кезінде практикаға екінші мәрте жіберіледі.
Практика бағдарламасын дәлелді себепсіз орындамаған немесе теріс баға алған студенттер, академиялық қарыздары бар студенттер ретінде, университетте оқудан шығарылуы мүмкін.
Студент оны қорғағаннан кейін практиканың материалдарын (есеп беру, күнделік, мінездеме-пікір және басқаларын) практика жетекшісі кафедраға береді.
Достарыңызбен бөлісу: |
