Иллюстрациялар компьютерлік орындауда, оның ішінде түрлі-түсті бола алады. Жұмыста барлық иллюстрацияларға сілтемелер берілуі тиіс.
Иллюстрациялардың, қажет болған кезде, атаулары және түсіндірме мәліметтері (сурет астындағы мәтіні) болуы ықтимал. «Сурет» сөзі және оның атауы түсіндірме мәліметтерден кейін, жолдың ортасына орналастырылады.
Иллюстрацияларды бүкіл жұмыс шегіндегі реттік номерімен, араб сандарымен номерлеу керек. Иллюстрацияны рәсімдеудің мысалы Б қосымшасында келтірілген.
Кестелер. Сандық материал кесте түрінде келтірілуге тиіс. Кестені жұмыста ол алғаш рет айтылып, сөз етіліп отырған мәтіннен кейін тікелей немесе келесі парақта орналастыру керек. Кестелерді бүкіл жұмыс шегіндегі реттік номерімен, араб сандарымен номерлеу керек. Кестенің атауын кестенің үстіңгі жағында сол жақта, абзацтық шегінусіз, оның номерімен бір жолға тире арқылы орналастырған дұрыс. Кестенің атауы оның мазмұнын көрсетуі, дәл болуы тиіс. Барлық кестелерге жұмыста сілтемелер болуы қажет. Сілтеме жасаған кезде номерін көрсете отырып, «Кесте» деп жазу керек.
Кестенің бағаналары мен жолдарының аттарын үлкен әріптен бастап, жекеше түрде, ал бағананың шағын аттарын – егер олар атымен бірге бір сөйлем құраса кіші әріппен немесе егер олардың дербес мағынасы болса, үлкен әріппен жазу керек. Кестенің аттарының және шағын аттарының соңына нүктелер қойылмайды. Кестені рәсімдеудің мысалы В қосымшада келтіріліп отыр.
ҚосымшаларА-дан бастап, орыс әліппесінің үлкен әріптерімен белгіленеді. «Қосымша» сөзінен кейін оның реттілігін көрсететін әріп жазылады.
