Науқасты бақылау, кейбір жағдайларда емдеу жоспарын түзету.
Сәулемен емдеуден кейінгі кезең:емделген науқасты бақылау, сонымен қатар радиолог дәрігердің бақылауында болуы тиіс.
Сәулелендірудің биологиялық әсері бүкіл сіңірілген дозаның мөлшерімен ғана емес, сонымен бірге оның сіңірілген уақытымен, яғни доза арақатынасымен анықтайды. Сондықтан иондаушы сәулені қолданған жағдайда ісікке қандай дозаны, қай мерзім ішіндежәне қандай аралықтарда берілу керектігін шешу қажет. Ісік пен қалыпты тін арасындағы радиотерапиялық аралықты кеңейтуге мүмкіндік беретін фракциялау тәртібін таңдау – сәулемен емдеудің басты міндеттерінің бірі. Қатерлі ісікті жеке сәулелік тәсілмен және радикалдық тұрғыдан емдеу үшін төмендегідей әдістер қолданылады.
Сәулемен емдеудің бірнеше тәсілдері бар: бір сәтті, бөлшектеп беру, бөлшекті созылмалы, үздіксіз және мөлтек фракциялық болып бөлінеді. Бір сәтті немесе бір рет сәулелендіру дозасын белгіленген ісікке бірден береді. Бөлшектеп беру тәсілінде ісікті қайта сәулелендіреді, яғни жиынтық дозаны жеке бөліктерге бөледі. Ал бөлшекті созылмалы тәсілін қолданғанның өзінде де дозаны бөлшектерге бөледі, бірақ әр сәуленудің уақытын едәуір ұзартады.
