6. ОҚУ САБАҚТАРЫНЫҢ ҚҰРЫЛЫМЫ: Жұмыс бағдарламасында (силлабус) сағаттар оқу жұмыстары түрлеріне қарай бөлінген: лекция, семинар, ОБСӨЖ (оқытушының бақылауындағы студенттің өзіндік жұмысы), СӨЖ (студенттің өзіндік жұмысы), ЛБС-лабораториялық сабақтар.
Лекция – студентке тақырыпты игеруде неге назар аударуына бағыт береді.
Пәнді толық меңгеру үшін студент ұсынылған әдебиеттердің барлығымен жұмыс істеуі қажет.
Семинар сабақтарында-студент талдау, салыстыру, тұжырымдау, проблемеларды анықтай білу және шешу жолдарын белсенді ой әрекет талап ететін әдіс –тәсілдерді меңгеру керек.
СӨЖ – студенттің өзіндік жұмысы. Студент үйге берілген тапсырмаларды
орындайды, өз бетімен меңгереді.
ОБСӨЖ- оқытушының бақылауындағы студенттің өзіндік жұмысы. Материалды сабақ үстінде оқытушының көмегімен оқып меңгеру. Оқытушы тақырыпқа сәйкес студенттің білім деңгейін тексереді, бақылайды. 7. СТУДЕНТКЕ АРНАЛҒАН ЕРЕЖЕЛЕР : Сабаққа кешікпеу керек. Сабаққа қатысу, лекция жазу,сабақта белсенді жұмыс жасау, үй тапсырмаларын орындау студенттің міндеті болып табылады. Егер студент қандайда бір себептермен сабаққа қатыса алмаса, онда ол лекция материалдарын топтағы басқа студенттен алу керек немесе өзбетінше өтеу қажет. Аудиториядан тыс уақытта оқытушы лекциялық материалдармен сабақтан қалған студенттерді тек қана белгіленген уақытта қамтамасыз етеді.
2. Студент университеттегі оқу ережесіне бағыну керек: сабақты себепсіз жібермеу,сабаққа кешікпеу,оқу материалдарын түсіндіру кезінде әңгімелеспеу, газет оқымау, сағыз шайнамау, ұялы телефонды өшіріп қою керек.
3. Сабаққа іскер киіммен келу керек.
4. Сабақтан қалмау, науқастыққа байланысты сабақтан қалған жағдайда деканатқа
анықтама әкелу керек.
5.Егер студентте курс бойынша сұрақтар туатын болса, онда ол оқытушыдан белгіленген уақытта кеңес алуына болады.
6. Жіберілген сабақтар күнделікті оқытушының кестесіне сәйкес өтелінеді.
7. Әрбір үйге берілген тапсырма уақтылы орындалып, сабақта талқылануы қажет. Тапсырмаларды орындамаған жағдайда қорытынды баға төмендетіледі.
8. Бақылау жұмысына қатыспаған немесе кешіккен студенттер автоматты түрде бақылау жұмысы үшін 0 балл алады. Бақылау жұмысын қайта тапсыру рұқсат етілмейді.
