Тәрбие мақсатын қоюға әсер ететін факторлар

Мақсаттылыққа объективтік себептер әсер етеді. Олар, дененің физиологиялық жетілу заңдылығы, адамның психикалық дамуы, философия мен педагогикалық ойдың жетістігі, ортаның үнемі қоғамның мүддесіне орай өзгеріп отыруы.

Тәрбие мақсатын анықтауда маңызды себептердің қатарына жататындар, заңдылыққа негіздеуді есепке алу. Ол саясат, мемлекет идеологиясы сияқты факторлармен бірге, тәрбие мақсатын айқындау қоғам өзінің қажетті талабы мен мүддесінің маңыздылығын ұдайы есепке алу жұмыстың дұрыс жүруіне кепілдік береді.

Тәрбие мақсаты қоғамда жастардың белгілі бір функциясын жүзеге асыру процесінде олардың уәждік қажеттілігінен туады. Қоғам қажеттілігі өндіріс тәсілі мен өндіріс күші және өндіріс түрі қатынасының даму – деңгейімен анықталады. Сондықтан тәрбие мақсатының нәтижесі әрқашан қоғам дамуының жетістік деңгейін бейнелейді, ол өндіріс тәсілін өзгерумен анықталып отырады. Ойымызды нақтылау үшін: тәрбие мақсатының қоғамдық – экономикалық қатынас түріне байланысты екенін атап өтеміз.

Тәрбие мақсатын қоюға әсер ететін факторлар:

1. Қоғамның өндірістік даму деңгейі;

2.Әлеуметтік саясат, ел басқарушылардың оқу – тәрбиеге деген көзқарасы;

3.Тарихи тәжірибе және ұлттық ерекшелік;

4.Педагогикалық факторлар: Бала– бақша, мектеп, қоғамдық ұйымдар.