Мемлекеттік және мемлекеттік емес білім беретін мекемелер

Білім беру ұйымдары, яғни мекемелері мемлекеттік, мемлекеттік емес, халықаралық болып бөлінеді.

Білім беру ұйымдарының білім беру қызметі Қазақстан Республикасының заңдарына сәйкес лицензияланады.

Мемлекеттік білім беру мекемелері (жалпы орта және кәсіптік бастауыш білім беру ұйымдары) Қазақстан Республикасының Үкіметі белгілейтін тәртіппен ақылы білім беру қызметін көрсетуге құқылы.

Мемлекеттік емес білім беру ұйымдарының білім беру қызметін қөрсеткені үшін , соның ішінде мемлекеттік жалпы міндетті білім беру стандарттары шеңберінде оқытқаны үшін ақы алуға құқығы бар.

Гимназия – негізгі және қосымша жалпы білім беру бағдарламаларын іске асыратын, оқушыларды олардың білімділігі мен қабілеттілігіне сәйкес, тереңдеп салаға бөліп, саралап оқытуды көздейтін, жалпы орта білім беретін мектеп.

Лицей – негізгі және қосымша және жалпы білім беру бағдарламаларын іске асыратын, жоғары сатыдағы оқушыларды кәсіби бағдарлап оқытуды жүзеге асыратын жалпы білім беретін мектеп.

Колледж – орта кәсіптік білімі бар мамандар даярлаудың білім беру бағдарламаларын іске асыратын оқу орны.