Адамгершілік – адамдардың күнделікті қарым-қатынасына қатысты гуманизм принциптерін бейнелейтін моральдық қасиет, адамдарға деген ізгі ниетілік, құрмет, жанашырлық пен сенім, кеңпейілдік, басқалардың мүддесі үшін жан аямаушылық сияқты жеке қасиеттерді қамтиды.
Адамгершілік қасиеттер– адамгершілік нормалармен реттелетін іс-әрекеттерге деген қатысын адамның бойынан өткізуі.
Адамгершілік мәдениеті – тұлғаның моральдық принциптері, нормалар мен идеалдарын игеру деңгейі, оларды адамдар арасында қарым-қатынастарда практикалық түрде пайдалану.
Адамгершілік мінез-құлық– адамдарға жағымды мінез көрсету, мейірімділік, рахымдылық білдіру.
Адамдық – адамға тән ізгі қасиет.
Адамшылық – адам бойындағы ізгі қасиет, адамгершілік.
Атамекен – ата-бабадан ұрпаққа мұра болып қалған ежелгі құтты қоныс, мекен.
Әдептілік – адамдардың жүріс-тұрысы мен өзара қырым-қатынасының жалпы ережелері. Адам бойындағы жағымды қасиет, оның қоғамда қабылданған әдеп талаптарын мінсіз орындауы.
Әдет-ғұрып – жалпыға бірдей қалыптасқан қоғамдық дәстүр, жөн-жора.