Конъюнктива мен қасаң қабықтың бөгде заттары Көз жарақаттары көздің морфологиялық құрылымына жиі бөгде заттардың түсуімен сипатталады.
Сипаты бойынша бөгде заттар магнитті және магнитті емес сынықшалар болады.
Сынықшалардың орналасуы бойынша конъюнктиваның бөгде затта ры, қасаң қабықтың бөгде заттары, көзішілік бөгде заттары жіктеледі .
Конъюктива мен қасаң қабықтың жарақатында және беткей орналасқан сынықшаларды кез келген дәрігер көмек көрсетіп, бөгде затты алып тастай алады. Қалған екеуін тек қана офтальмолог шығарып, жалпы профильді дәрігер осы патологияда тек бірінші көмек көрсетуі керек.
Конъюнктиваның бөгде заттары.
Клиникасы. Бөгде зат конъюнктиваға түскенде науқастың көзі жасаурап, бөгде заттың сезілуі болады. Кейде жарықтан қорқу мен ауырсыну сезімі қосылады.
