Райтер – негізгі бағалы қағазды опционның уәделескен бағасы бойынша сату немесе сатып алу міндеттемесін өз мойнына алушы адам.
Резервтік валюта – белгілі бір елдің халықаралық саудада басқа бір елдер неғұрлым жиі қолданатын, сондықтан да халықаралық төлем қаражатының сақтық қоры ретінде пайдаланылатын валюта.
С
Санация– банкрот қаупі төніп тұрған кәсіпорынның қаржылық жағдайын жақсартуға бағытталған қаржылық және несиелік іс-шаралар жүйесі.
Сату-сатып алу келісімшарты– тараптар арасындағы келісім, соған сәйкес бір тарап (сатушы) екінші тарап (сатып алушыға) затты (тауарды) беруге, ал сатып алушы осы тауарды қабылдауға және ол үшін белгілі бір ақшалай соманы төлеуге міндеттенеді.
Сұраныстың бағалық икемділік коэффициенті – сұраныстағы пайыздық өзгерістің бағаның пайыздық өзгерісіне қатынасын сипаттайды.
Сыртқы кәсіпкерлік орта – нақты кәсіпорын қызметіне тәуелсіз, бірақ оған біршама әсер ете алатын және сондықтан да басқарушылық шешімдерді талап ететін, қоршаған ортада пайда болатын шарттар мен факторлардың жиынтығы.
Сыртқы экономикалық қызмет – шетел мемлекеттерімен сауда-экономикалық, ғылыми-техникалық ынтымақтастық, валюталық-қаржылық және несиелік қатынастардың құралдары мен әдістерінің, нысандарының, бағыттарының жиынтығы.
Т
Тарату – төлемқабілетсіз борышкердің қызметін тоқтату үшін, заңды тұлғаның міндеттері мен құқығының басқа құқықтық мұрагерлік тұлғаға өтпейтін, сот шешімі бойынша жүзеге асырылатын рәсім.
Тауарлы нарық конъюнктурасы – белгілі бір уақыт кезеңіндегі нарықтағы экономикалық жағдай.
Технопарк – өз ғылыми идеяларын бизнес жүйесін жүзеге асыру үшін ғалымдарға, сонымен қатар кәсіпкерлерге жаңа технологияларға қол жетімділік мүмкіндігін ұсынатын университеттер мен ғылыми орталықтардан онша алыс емес орналасқан арнайы жабдықталған территория.
