Тұқым қуалаушылық факторлары. Қазіргі кезде осы факторларға ерекше назар аударылып отыр. Адам ағзасының құрылысы ,салмағы ата-анадан балаға тұқым қуалау арқылы берілетіні дәлелденген. Ата-ана мен баланың қозғалыс қабілеттілігінің арасында байланыс бар екені білгілі (мысалы , қысқа қашықтыққа жүгіру, ұзындыққа секіру т.б.). Атақты спортшылар балаларының жоғарғы спорттық көрсеткіштерге жетуге мүмкіндігі әлдеқайда көп.
Спорт түрін таңдау себептері. Ұл балаларда спорт арқылы дене қасиетін дамытуға , өзіне сенімділікке, мықты , күшті болуға ұмтылушылық байқалады. Қыз балалар әдемі қимыл мен мүсін сұлулығын жасауға ұмтылады. Балалардың спорт түрін таңдауына жалпылама үгіт , насихат көп әсер етеді. Сонымен қатар ата-аналары да баласының қай спортқа бейім екендігін байқап сол спорт түріне жазылуға ақыл кеңестерін бергені жөн.
Жаттықтырушылар іріктеу мен бағдарлау кезінде көптеген, әр түрлі амалдар қолданады:
Жарыс. Бұл амал ресми және әр түрлі бәсеке түрінде өтеді.
Жаттықтыру . Спортшының қабілеттілігін жаттықтыру сабақтары кезінде бағалау .
Бақылау сынақтары .Жаттықтыру кезінде қолданылатын негізгі жаттығу түрлерінен сынақтар алу.
Адам ағзасын зерттеу. Баланың қабілеттілігін әр түрлі аппараттар арқылы тексеру.
