9 кредит сағат № 9 практикалық сабақ Практикалық сабақтың тақырыбы : Тақта үстіндегі ойын күштеріне ( отаудағы құмалақтарға ) жауапкершілікпен қарау.
Практикалық сабақтың мазмұны : а) оң жақ отаулардан бастап ойнау.
ә) отаудағы құмалақтарды өрістете білу.
б) жүрістерді есептеу.
Ойын күштеріне жауапкершілікпен қарау. Бұл принцип бойынша – ешбір мақсатсыз, жоспарсыз, ойламай, өз жағындағы отаудағы құмалақтарды қарсыласына ұтқыза беруге және отаудағы құмалақтар санын азайтуға болмайды. Өз отауларындағы құмалақтар санын кеміту және ұтқыза беру оның күшін әлсіретеді, көбіне ол ойыншыны ұтылысқа әкеп соқтырады. Сондықтан отаудағы құмалақтар санына ойынның басынан жауапты қарау керек.
Көбінесе кейбір тәжірибелі ойыншылар да кездесудің басынан-ақ құмалақтарды көп ұтуға тырысып, немесе « тұздық » алу үшін өз құмалақтарын оңды-солды шашып ( ұтқызып ) ойнайды. Бұл өте қате. Егер оның қарсыласы күшті ойыншы болса, алғашқы ойыншы жеңіліп қалады.
