Бабалар мұрасы

Бабалар мұрасы

Қазақ халқы мұраға бай.Салт-дәстүрі,әдет-ғұрпы, мәдениет, тарихы тұнып тұрған тағылым мен тәрбие. Бабалардан қалған аманат, асыл мұра- осы салт-дәстүріміз, әдет-ғұрпымыз, мәдениетіміз.

Ендеше, сол бабалар мұрасын ұрпақтан-ұрпаққа бұзылмаған күйінде жеткізіліп жүр ме, қазіргі біздің дәуірімізде ол қаншалықты қолдануда, сақталуда.

Қазақ халқының әрбір салты мен дәстүрін алар болсақ, әр өңірде әртүрлі сақталған,алайда негізгі түбірі мен мақсаты бірдей.

Алып қарасақ, адам өмірінің кезең-кезең белестеріндегі жасалатын мерекелік дәстүрлер, атап айтсақ, шілдехана, қалжа беру, бесікке салу, тұсау кесу, сүндетке отырғызу, құда түсу, сырға салу, беташар, құда күту сынды қазақпен бірге жасасып келе жатқан керемет салт-дәстүрлеріміздің кейбіреулері заманауи тұрғыда жаңарып жатырғанымен, өз қазығынан ажыраған емес.

Бабаларымыздың мәнді мұралары- салт-дәстүрі мен мәдениеті бір-бірімен тығыз байланысты. , бір-бірін толықтырып тұрады.. Осындай әрбір тойларында ұлттық ойындарын, ән-жыр, термелерін айтып, ұрпақтан-ұрпаққа насихаттап, аманат етіп отырған.

Қазіргі таңда « Қазақстан» ұлттық арнасында көрсетілетін әр өңірдің арасында өткізіліп жүрген « Көкпар» ойынын, меніңше, ұлттық мұраға деген үлкен құрмет.

«Тоғызқұмалақ « ойыны да халықаралық дәрежеде өткізіліп, талай қазақтың қаракөз балалары әлем жеңімпазы болды. Бұл да бабалар мұрасының өміршеңдігі емес пе?

Бабалардан жеткен мұра- ол ән-жыр, терме, айтыс, күй. Үкілі домбырасын төріне іліп құрметтейтін қазақ, жетігені мен қобызын да қастерлей білген.

Бүгінгі таңда домбыралы қазақ айтыс әлемінде шарықтаса, жыр-термесімен де мойындата білді. Қасиетті қобыздың үні мен жетігеннің сырын да ұрпағына үйретуден жалыққан емес.

Ұлтымыздың бейнесін айшықтайтын, бүгінгі таңда ерекше сұранысқа ие болып отырған керемет байлығымыз ол-қазақы ою-өрнекпен безендіріліген ұлттық киімдер мен әшекейлер. Әрбір оюы мен өрнегі өзінше бір сыр шертетін қазақтың ұлттық киімдері таңғажайып бір брендтік киімдердің қатарына енді. Біз үшін –бұл мақтаныш.