Тапсырмалар 1. .«... Алтыншы - ғылымды, ақылды сақтайтұғын мінез деген сауыты болады. Сол мінез бұзылмасын! Көрсеқызарлықпен, жеңілдікпен, я біреудің орынсыз сөзіне, я бір кез келген қызыққа шайқалып қала берсең, мінездің беріктігі бұзылады. Онан соң оқып үйреніп те пайда жоқ. Қоярға орны жоқ болған соң, оларды қайда сақтайсың? Қылам дегенін қыларлық, тұрам дегенінде тұрарлық мінезде азғырылмайтын ақылды, арды сақтарлық беріктігі, қайраты бар болсын! Бұл беріктік бір ақыл, ар үшін болсын!»
А.Құнанбаевтың отыз екінші қара сөзінен алынған үзіндідегі көтерілген мәселені анықтап, ойыңызды білдіріңіз.
Масғұт образының әдеби портретін жасаңдар. Көркемдік ерекшелігіне талдау жасаңдар.
«Қалың елім, қазағым» өлеңінде көтерілген мәселелерді ұлттық тұрғыдан талдап өзектілігін ПОПС формуласымен түсіндіре отырып, сыни тұрғыда баға беріңіз.
«Масғұт» поэмасының идеясы негізінде «Арулар – асыл жандар» тақырыбында шығармашылық жұмыс жазыңдар (өлең, толғау, әдеби эссе)
