Қойылған мақсаттарға жету, Бағдарлама міндеттерін шешу жолдары және тиісті шаралар

Облыс экспортындағы үлесі жоғары тау-кен өндіру өнеркәсібі орта мерзімді перспективада өңір экономикасының басым саласы болып қала береді. Мұнайды өндіруді және экспорттауды одан әрі күшейту жалғасын таппақ. Таяу келешекте тау-кен өндіру өнеркәсібіндегі басты міндет қолданыстағы экстенсивтік технологиялардың орнына кен орындарын игерудің қарқынды технологияларын енгізу болып табылады.

Жоспарланған кезеңде мұнай өндіру көлемінің өсуін қамтамасыз етуге жаңа кен орындарын игеру, теңізде мұнай өндіру инфрақұрылымын және Каспий теңізі қазақстандық секторының жағалаулық жолағын дамыту есебінен қол жеткізіледі.

Мұнай-химия өндірісі іс-қимылының стратегиясы мұнай өңдеу өнімдерін ішкі тұтынуды арттыруға, сондай-ақ көрші өңірлерге экспорттауға бағытталатын болады. Мұнан былай химия мен мұнай химиясын, машина жасауды дамытуға бағытталған мұнай-химия кластерін құру болжануда.

Мұнай-химия секторында Ақтау пластмасса зауытының негізінде құрылысы аяқталған битум зауытын пайдалануға беру (Қаражанбас мұнайын қайта өңдеу) есебінен көмірсутегі шикізатын қайта өңдеудің тереңдігі мен көлемі арттыру жоспарлануда. Зауыттың жоспарланған қуаттылығы: 2014 жылы – жылына 623 мың тонна, 2015 жылдан бастап – жылына 1000 тонна битум (жобалық қуаттылық).

2.2. Құрылыс индустриясы және құрылыс материалдарын өндіру

Мақсаты: Маңғыстау облысының құрылыс индустриясын және құрылыс материалдарының өндірісін дамыту

Маңғыстау облысының құрылыс индустриясын дамыту 2011-2015 жылдары құрылыс материалдарын, бұйымдарын және конструкцияларын шығаруды одан әрі дамытуға, инновациялық негізде жаңа өндіріс түрлерін дамытуға, құрылыс өнімдерінің сапасы мен қауіпсіздігін арттыруға бағытталады.

Облыста шикізаттың бар болуы, құрылыс-жинақтау жұмыстарының көлемін арттыруға арналған беталыс қолданыстағы өндірістерді жаңғырту мен ішкі сұранысты қамтамасыз етуге бағытталған құрылыс материалдары өндірісін дамыту үшін қолайлы жағдай жасайды.

«Ақтау теңіз порты» АЭА аумағында 2014 жылдың соңында іске қосылған жобалар: «KazTrub-Industries» ЖШС-нің «Жоғары қысымды құбырлар зауытының құрылысы», «Каспиопласт» ЖШС-нің Төмен қысымды полиэтиленнен құбырлар шығару, «КИС-Ақтау» ЖШС-нің «Индустриялық Құрылыс Комбинаты», «Каспий Тас Жол» ЖШС-нің «Жол-құрылыс материалдарын шығаратын зауыттың құрылысы» жобалары.

«ДСК Қараой Құрылыс» ЖШС-нің «Ақтау теңіз порты» АЭА аумағында іске асырып жатқан «Үй салу комбинатының құрылысы» жобасын 2015 жылы пайдалануға беру жоспарланған.
2.3. Фармацевтикалық өнеркәсіп

Мақсаты: Өңірде өндіріс құру арқылы құн-салмақ коэффициенті төмен дәрі-дәрмектер жеткізу бойынша шығындарды азайту

Саланы дамыту аясында, соңғы тұтынушыға өнімді жеткізу бойынша шығындарды азайту мақсатында «Медикал Фарм Ча-Кур» ЖШС-нің сұйық дәрілік нысандары мен медициналық мақсаттағы бұйымдарды шығару бойынша фармацевтикалық кешенін (жобалық қуаттылық – жылына көлемі 50-500 мл инфузиялық дәрілік заттарды 20 млн. данада шығару, пайдалануға беру мерзімі – 2014 жыл) салу жүзеге асырылмақ.

Фрамацевтикалық кәсіпорында жұмыс істеу үшін оқыту.

Фармацевтикалық өнеркәсіпке жетекшілік ететін қызметкерлердің біліктілігін арттыру.

Мақсаты: өндіріс көлемін одан әрі дамыту және арттыру, химия өнімдерін экспорттау үшін жағдай жасау

Саланың дамуы қолданыстағы өндірістерді жаңғыртуды және жаңа өндірістер құруды, минералдық шикізатты кешенді қайта өңдеудің ауқымдылығын арттыруды, шығарылатын өнімнің номенклатурасын кеңейтуді, ең алдымен жоғары қосылған құны бар өнім шығаруды, отандық ғылыми-техникалық әлеует пен технологиялар трансферті негізінде экспорттық әлеуетті арттыруды қажет етеді.

Қазіргі кезде «КазАзот» ЖШС-нің аммиак-карбамид немесе газды тереңдетіп қайта өңдеудің басқа да өнімдерін шығаратын жаңа кешен салу жөніндегі жобасын іске асыру мәселесі пысықталуда.
2.5. Машина жасау

Мақсаты: Өңірдің өңдеу өнеркәсібіндегі машина жасау үлесін арттыру