1.3-ҚОСЫМША. ҮЗДІК МҰҒАЛІМДІ АНЫҚТАУҒА АРНАЛҒАН OFSTED КРИТЕРИЙЛЕРІ
Оқыту барлық негізгі кезеңде және көптеген пән бойынша үнемі жоғары
деңгейде болып келеді. Нәтижесінде, оқу үдерісіне қатысқан мектептегі
оқушыларға, соның ішінде мүгедек, білім беруде ерекше қажеттілігі бар
тұлғаларға жоғары деңгейде қолдау көрсетілуі тиіс, сондай-ақ барынша
қабілетті оқушылар тез әрі тұрақты түрде жетістікке жетіп отырады.
Мұғалімдер оқушылардың әрқайсысынан үлкен үміт күтеді және оқушы-
ларға оқу бағдарламасы бойынша тек жақсы білім алуға мүмкіндік беретін
сабақты жоспарлап өткізеді.
Мұғалім сабақ барысында оқушының қаншалықты түсінгенін жүйелі және
тиімді түрде тексеріп, қай жерде көмек қажет екенін біліп, оқу сапасына
айтарлықтай бағыттап отырады.
Үздік мұғалім деген кім және оны қалай анықтаймыз?
41
Оқылым, жазылым, қарым-қатынас дағдылары мен математиканы оқыту
өте тиімді әрі үйлесімді түрде жоспарланған және оқу бағдарламасы бо-
йынша жүзеге асырылады.
Мұғалімдер мен басқа да ересектер оқушыларды оқуға ынталандыру,
олардың бойында білім алуға деген жоғары жауапкершілікті қалыптастыру
үшін білім нәрімен сусындатады.
Бағалаудың тұрақты түрде жоғары деңгейде болуы мен мұғалімдердің
оған конструктивті кері байланысы оқушылардың тез жетістікке жетуін
қамтамасыз етеді.
Мұғалімдер жақсы ойластырылған және көбіне шығармашылыққа негіз-
делген оқыту стратегияларын қолданады, сондай-ақ жеке оқушылардың
қажеттілігіне сай, яғни оларға қажетті қолдау көрсетуге бағытталған нақ-
ты үй тапсырмаларын белгілейді. Қорыта келгенде, оқушылар оқу бағдар-
ламасы бойынша жоғары нәтижеге қол жеткізеді.
(OFSTED, 2013: 39)
Кейде үздік оқытуды айқындауда пропорционалдық принцип ұс
-
танылады. Шотландия мен Уэльс инспекциясы 1.2-кестедегі сөздерді
қолдана отырып, мектеп есептеріндегі ескертпелерді санайды. Мұнда
елеулі айырмашылық бар, сондай-ақ бұл тексеру математикалық есеп
емес. Әдетте үздік мұғалім оқытқан оқушылардың түгелге жуығы бас
-
тапқы деңгейімен салыстырғанда жақсы нәтиже көрсетеді.
Оқыту мен оқудың арақатынасы күрделі, біреуі жақсы болса, екін
-
шісі жақсы болмауы мүмкін. Кездейсоқ жағдайларға (баланың ауырып
қалуы, қар жаууы немесе электр жарығының өшіп қалуы) байланысты
мұғалімнің сабақты мұқият жоспарлап, бірқатар ынталандырушы ре
-
сурстар мен іс-шараларды ұсыну сценарийін қарастырайық. Кейде оқу
-
шылар оқытудың мардымсыз жүргізілгеніне қарамастан, оқуда жақсы
жетістіктерге жете алады. Бұл олардың түрлі технологиялар арқылы
бір-бірінен үйрене алатындығына байланысты болса керек. Жұмысқа
білікті мұғалімдерді қабылдау және олардың оқыту сапасын бағалау –
халықаралық міндеттер (1.4-қосымша).
Үздік мұғалім деген кім және оны қалай анықтаймыз?
42
