Аударма мәселесі
Аудармашы қажет болса, сенім тудыратын дерек жинау мүмкіндігіңізге көп нәрсе
ықпал етеді. Мынадай мәселелерді қарастыруға тура келеді: 1) аудармашы тәжіри-
белі ме: екі тілді меңгергені жеткілікті емес, тәжірибесі бар ма, басқалардың оған
қатысты пікірі қандай, соны анықтап алыңыз; 2) ілеспе аударма жасай ма немесе
сұхбат берушінің ана тілінде сұхбат жүргізіп, кейінірек сіздің тіліңізге тәржімалай ма,
мұны да анықтап алған жөн; 3) аудармашының сөзбе-сөз аударғанын қалайсыз ба,
әлде сөйлемнің мағынасын жеткізгені дұрыс па, оны да бірден анықтаған дұрыс; 4)
аудармашымен түсіністік орнату, уақытты созбау, қосымша мәселелерді қарастыру,
негізгі тақырыптан ауытқымауын қадағалау және т.б. мәселелерді қамтитын процес-
ті басқара аласыз ба, мұны да біліп алу өте маңызды.
Бұл істе дұрыс не бұрыс деген нәрсе жоқ, әркім өз ыңғайына қарай жасайды.
Зерттеу сұрағыңызға қарай ең дұрыс бағытты анықтайсыз, ал ол бағытты дұрыс таң-
дау үшін бірнеше процестен өтуіңіз керек болады.
Достарыңызбен бөлісу: |
