Бірінші тарау – сақтандыру. Әр үйде негізгі табысты бір адам табады. Батыс- та сол негізгі табысты табатын адамның өмірін сақтандырып қоюды әрбір отбасы маңызды міндет санайды. Өмір бар жерде өлім бар. Мысалы, Батыс елдерінде, егер негізгі табыс әкелуші адам өліп қалса немесе жұмысқа жарамсыз болып қалса, отбасы сақтандыру полисіне орай сақтандыру төлемін алып, біраз жыл қаржылық тұрғыдан аса қиналмай өмір сүре алады.
Екінші тарау – қауіпсіздік қорын қалыптастыру. Батыста бұл қордың көлемі 3-6 айға дейінгі уақытқа жететін шамада есептеледі. Егер адам ауырып қалса неме- се жұмыссыз қалса, жарты жылға дейін жететін қаржысы болуы керек. Әрине, бұл
«қауіпсіздік қоры» түсінігі қазақ даласына ене қойған жоқ. Бір жағдай болса, бізді ағайын-туған қолдайды, қорадағы тана-торпағын сатып күнелтіп жатады. Заман өз- геріп келеді. Бүгінгі қазақ ауылы бұдан 20-30 жыл бұрынғы қазақ ауылына мүлдем ұқсамайды. «Өзің үшін өл, жетім» деген, яғни нарық заманы басталды. Балапан басымен, тұрымтай тұсымен кетті. Сондықтан қаржылық жоспарда сақтандыру та- рауының болғаны абзал.
Достарыңызбен бөлісу: |
