Бағдарламасы ТҮсіндірме жазба мектепке дейінгі тәрбие мен оқыту жүйесін
жүктеу/скачать 4,82 Mb.
|
- Бұл бет үшін навигация:
- Күтілетін нәтижелер
МузыкаМузыка тыңдау. Музыкалық мәнерлілік құралдары мен сипатын егжей-тегжейлі ажырату қабілетін дамыту. Домбыраның дыбысталуы бейнеленген пьесаларды әсерлі реңкі мен музыкалық мәнерлілік құралдарын белгілей отырып тыңдау. Лирикалық, вальс ырғағындағы байсалды әуендерді қабылдап, пьесаның билеуге икемді сипатын сезініп, қарқындық өзгерісін белгілеу. Музыкалық дыбысталуының сипаттамасына сүйене отырып, бейненің мазмұны мен музыкалық мәнерліліктің элементтерімен байланыстыру, шығарманы сипаттай білу. Қазақстан композиторларының шығармашылықтарымен таныстыруды жалғастыру. Ән салу. Дағдыларды қалыптастыру: - бір дыбыста құрылған әуеннің бөліктерін дәл ырғағымен дербес орындау; - терция дыбыстарын ажырату, қолымен бағытын көрсете отырып, әуеннің жоғарғы-төменгі қозғалысын ажырату; - қолмен бағытын көрсете отырып, әуеннің жоғарғы-төменгі қозғалысын ажырату; - фортепианоның сүйемелдеуімен немесе сүйемелдеуінсіз, жалғыз немесе топпен айту, - оны металлофонда ойнау. Сезіммен, ырғаққа сәйкес, ырғақтық бейнесін сақтай отырып, сөздерді анық және фразалар арасында дұрыс дем алып, музыкалық кіріспеден соң бірден бастап айту. Динамикалық ерекшелікті көрсете отырып, эмоционалды түрде ән айту, тынысты дұрыс алу. Музыкалық-ырғақты қозғалыстар және жаттығулар. Музыканың ширақ сипатын жеңіл, ырғақты жүгіріспен беру, тізені көтеріп жүгіруді орындау. Ұлттық билердің элементтерін орындау, музыка сипатын би қимылдарында беру. Ойындар мен хороводтар Түрлі сипаттағы музыкамен байланысты музыкалық-ойын бейнелерін: байсалды, баяу және көңілді, шаттанған, би күйін мәнерлі жеткізу. Музыкаға сәйкес заттармен қозғалу, саптағы орнын өзгерте отырып, кеңістікте еркін бағдарлау: үш шеңбер, үлкен шеңбер. Сюжетті ойындарды сахналау. Билер Музыкаға сәйкес қозғалыс бағытын жеңіл, еркін және нақты ауыстыра отырып орындау, би бейнелерін беру, бейнелік би қозғалыстарын қолдана отырып, әндерді сахналау. Би шығармашылығы Музыка сипатына сәйкес таныс би қимылдарын қолданып, би ойластыру. Балаларға арналған музыкалық аспаптарда ойнау Ересектердің орындауында халық әуендерін тыңдау, олардың сипаты мен қарқынын белгілеу. Жеңіл әуендерді ансамбльмен балаларға арналған музыкалық аспаптарда фортепианоның сүйемелдеуімен, уақытында қосылып айту, ырғақтық бейнесін анық бере отырып ойнау, әуенді ойынмен бірге сүйемелдеу. Күтілетін нәтижелер:- музыкалық жанрларға тән белгілерді атайды; - музыкалық мамандықтарды, атақты композиторлардың есімдерін атайды; - жақсы таныс әнді дербес музыкалық сүйемелдеумен, күрделі емес әнді сүйемелдеусіз орындайды; - музыканың сипатына сәйкес қозғалады; - балаларға арналған аспаптарда ойнаудың қарапайым дағдыларын игерген; - музыкалық дыбыстың негізгі қасиеттерін, ұзақтығын ,тембрін ажыратады; - балалардың музыкалық аспаптарында әуенді ойлап таба білу қабілеттілігіне ие. жүктеу/скачать 4,82 Mb. Достарыңызбен бөлісу:
|