Бағдарламасы Түсінік хат > Бағдарлама Елбасының 2014 жылғы 15 желтоқсандағы "Тәуелсіздік толғауына" сәйкес әзірленді

2. "Тәуелсіздік - халқымыздың басты құндылығы. Елбасының барлық қазақстандықтарды тәуелсіз Қазақстанның игілігі мен көркеюі үшін еңбек етуге, қоғамымыздың жалпы құндылықтарын: Бейбітшілікті, Келісім мен Бірлікті бағалауға және нығайтуға, ұлттық дәстүрлерімізді сақтауға және дамытуға шақыратындығы сондықтан".

3. "Елбасы Тәуелсіздік философиясының іргелі негіздерін ауқымды етіп белгілеп берді. Олар - Жалпыға Ортақ Еңбек, даналық, толеранттылық және халықтың бірлігі, тарихы мен мәдениетінің, Қазақстанның барлық этностарын толық құрметтей отырып, мемлекеттік тілінің бірегейлігі. бұл негіздерді мектеп жасынан бастап Қазақстан Республикасының әрбір азаматының білуі маңызды".

4. Бағдарлама патриоттық қасиеттері бар және азаматтық борышын бейбіт және соғыс уақытында ойдағыдай орындауға қабілетті тұлғаны дамытуға бағытталған.

5. Курсты оқыту мақсаты: елдігімізді, өткен тарихымызды дәріптеу, бірлігіміз бен ынтымағымызды әспеттеу, халықтың тәрбие тағылымын игерген, рухани бай, ел болашағын ойлайтын тұлға қалыптастыру, білім алушыларды елжандылыққа тәрбиелеу.

6. Курсты оқыту міндеттері:

1) оқушылар бойында тәуелсіздік, ел, жер, ұлттық болмыс, ұлттық таным, ұлттық намыс, ұлттық сана категорияларын қалыптастыру;

2) "патриот", "азамат", "азаматтық", "азаматшылық", "патриотизм" ұғымдарының адам өміріндегі рөлін көрсету;

3) оқушыларды тәуелсіздікке қатысты деректермен жұмыс істей білуге үйрету және осы саладағы білімін шығармашылықпен дамыту дағдысын арттыру;

4) «Мәңгілік Ел» ұлттық идеясын жүзеге асыру аясында тәрбие жұмысын жандандыру;

5) оқу-тәрбие процесін ұйымдастыруда өскелең ұрпақты тарихи тұлғалар үлгілерімен, қазақстандық патриотизм мен халықтың ең жақсы дәстүрлері рухында тәрбиелеу бойынша жұмысты күшейту;

6) Тәуелсіз Қазақстанның құндылықтарын сақтауға жанжақты ықпал ету;

7) Елбасы Н. Ә. Назарбаевтың еңбектерін оқыту бойынша жүйелі түрде семинарлар, дөңгелек үстелдер өткізу.

7. Оқу жүктемесінің көлемі:

11-сыныпта аптасына - 1 сағат, оқу жылында – 34 сағат.

1) Кіріспе: «Тәуелсіздік толғаулары» курсының мектеп бағдарламасында алатын орны. «Тәуелсіздік» - ұлы ұғым. Н.Ә.Назарбаевтың «Тарих толқынында» атты еңбегі (1 сағат);

9. Н.Ә.Назарбаев - Қазақстан Республикасының тұңғыш Президенті (9 сағат):

1) Тұңғыш Президенттің өмірбаяны: балалық шағы, жасөспірім шағы, жастық шағы, кемел кезеңдер, отбасы құрамы (1 сағат);

2) Н. Ә. Назарбаевтың саяси бейнесі: қоғамдық-саяси қызметі (1 сағат);

3) Н.Ә.Назарбаев - Ұлт көшбасшысы: Тәуелсіз Қазақстан Республикасының қалыптасуы мен дамуындағы Елбасының рөлі (1 сағат);

4) Мемлекеттің ішкі және сыртқы саясатындағы Н.Ә.Назарбаевтың рөлі (1 сағат);

5) Н.Ә.Назарбаев және Еуразия идеясы (1 сағат);

6) Елбасы - халық болашағын сомдаушы: Нұрсұлтан Әбішұлы Назарбаев - дара тұлға (1 сағат);

7) Елбасы және Елорда: Елбасы - ел мақтанышы (1 сағат);

8) Тұғырлы тәуелсіздік және кемеңгер тұлға: егемен Қазақстан және Елбасы (1 сағат);

9) Елбасы және жастар (1 сағат).

1) Қазақтың ата заңы: "Қасым ханның қасқа жолы", "Есім ханның ескі жолы", Тәуке ханның "Жеті жарғысы". Тәуелсіздік және еркіндік (1 сағат);

2) 1993 жылғы Конституция. Ата Заң - Қазақстанның бейбітшілік жолында өркендеу кепілі (1 сағат);

3) 1995 жылғы Конституция. Конституция - тұрақтылықтың белгісі. Тәуелсіздік шежіресі. Тәуелсіздік - Ел бақыты (1 сағат);

4) Мемлекеттік саяси биліктің Конституциядағы саяси көрінісі. Ата Заң - болашақ кепілі (1 сағат);

5) Конституциядағы көрсетілген ҚР азаматтарының міндеттері мен құқықтары. Ата Заң - Елдігіміздің еңсесі (1 сағат);

6) Қазақстан Республикасының Конституциясы мен заңдарының арақатынасы. Тәуелсіздік - ата-бабам аңсаған (1 сағат);

7) Желтоқсанда үзілген жауқазындар. Тәуелсіздік - бұл Жалпыға Ортақ Еңбек (1 сағат);

8) Мен - тәуелсіз Қазақстанның азаматымын. Тәуелсіздік толғауы - жарқын болашақтың толғауы (1 сағат);

9) Тәуелсіздік және тіл. Тәуелсіздік - аңсаған арман, қол жеткен мұрат (1 сағат);

10) Тәуелсіздік толғауы - келешек ұрпаққа жүктелген айтулы аманат. Тәуелсіздік - елімнің ерлік жолы (1 сағат).

11. Қазақстан халқы ассамблеясы (2 сағат):

1) Ассамблеяның қызметі. Ассамблея туралы Заң (1 сағат);

2) Ассамблеяның негізгі міндеттері. Ассамблея құрылымы. Ассамблеяның парламенттік өкілдігі (1 сағат).

1) Қазақстанның әлемдік қауымдастыққа енуі (1 сағат);

2) Қазақстан Республикасын халықаралық аренада тануы (1 сағат);

3) Қазақстан Республикасының сыртқы саясатындағы негізгі басым бағыттары; саясатағы көп векторлық және стратегиялық одақтастық (1 сағат);

4) «Қазақстан-2050» стратегиясы қалыптасқан мемлекеттің жаңа саяси бағыты. "Қазақстан жолы - 2050: бір мақсат, бір мүдде, бір болашақ". Қазақстан - 2050" бағдарламалық стратегиясының тарихи маңызы, ұзақ жылдарға арналған басым мақсаттары және жүзеге асыру стратегиялары

(1 сағат);

5) Нұрлы жол - болашаққа бастар жол (1 сағат);

6) Жүз қадам жоспары - ұлтымыздың даңғыл болашағы (1 сағат).

1) Мәңгілік Елдің ұлы тарихы. Ұлтымызды ұлықтаған Мәңгілік Ел.Біздің ел, біздің ұлт, біздің болашақ (1 сағат);

2) Ата-баба аңсаған Мәңгілік ел. Менің Қазақстаным - менің болашағым. Қазақ елінің ұлттық идеясы - Мәңгілік Ел (1 сағат);

3) Қазақстандық патриотизм және толеранттылық. Қазақстандық патриотизм - халықтар бірлігінің басты байлығы. Жас ұрпақтың толеранттылық пен ұлтаралық мәдениетін тәрбиелеу жолдары (1 сағат);

4) Ұлт бірлігі және ұрпақтар сабақтастығы (1 сағат).

14. Татулық пен бірлік - Қазақстанның басты байлығы (1 сағат): Қазақстанның ел бірлігі доктринасы: Қоғамдық келісім; Тәуелсіздік тұғыры; Ассамблея белестері; Ортақ тарих - Қазақстан азаматтарын ұйымдастырушы басты күш; Доктрина - ел бірлігін қамтамасыз ету құралы;

1) Тәуелсіздік тарихын, мемлекеттілікті жаңғырту бойынша Қазақстан Республикасының тұңғыш Президентінің саяси қызметінің тарихын және оның Республика өміріндегі оның рөлін;

2) Елбасының Отанына және елдік мұратқа деген адалдығын;

      3) жеке тұлғалық, әлеуметтік, қоғамдық құбылыстар мен дәстүрлердің мәдениеттанымдық негізін;