Сабақтың мақсаты: Тамырдың морфологиялық құрылысымен танысу.
Сабаққа қажетті құрал-жабдықтар: 1. Көрнекі морфологиялық гербарий «Тамыр және тамыр жүйелерінің типтері». 2. Кәдімгі үрме бұршақ, кәдімгі асқабақ, жүгері, жұмсақ бидай, кәдімгі арпа немесе мәдени қара бидайдың әр түрлі мерзімде өсірілген өскіндері. 3. Тамыр ұшының тұрақты препараты. 4. «Тамыр құрылысы және өсуі» кинофильмінен «Жас тамыр ұшының құрылысы» деген үзінді келтіру. 5. Микроскоп және онымен жұмыс жасауға қажетті жабдықтар. 6. Жабдықтар соңындағы қайталау сұрақтарына жауап қайтару.
Тапсырмалар: 1. Көрнекті морфологиялық гербарий жүгері, үрмебұршақ, асқабақ, бидай, қарабидай, арпа өскіндерінен тамыр, тамыр жүйелерінің түрлерімен танысу.
2. Осы аталған өсімдіктердің өскіндерінің дара жарнақтылар мен қос жарнақтылар тамыр жүйесінің қалыптасу ерекшеліктеріне талдау жасау.
3. Жоғарыда аталған өсімдіктер өскіндерінің тамыр ұшынан препараттар дайындау. Микроскоп арқылы қарап, тамыр оймақшасын, бөліну, өсу, сору және өткізу аймақтарын табу.
4. Тамыр және тамыр жүйелері типтерінің суреттерін салып, тиісті белгілерін жазу.
5. Жас тамыр ұшының суретін салып, тамыр аймақтарын белгілеу.
6. Қысқаша қорытынды жазу, тамырдың типтері мен тамыр жүйелеріне жеке-жеке қысқаша тоқталып, түсінік беру.