Ауруханаға салу көрсеткіштері . Біріншілік және екіншілік иммундық жетіспеу-
шіліктер, асқынулар байқалатын науқастар ауруханада емделеді. Аруханада вирусқа қарсы
әсер ететін ацикловир, виралекс сияқты дәрілер қолданылады.
Болжам, вицеральды түрлері болмаса, жағымды болып келеді.
Сауығу шектері. Клиникалық сауығу аурудың басталғанына 10 күн толмай
байқалмайды. Қоршаған ортаға науқастар соңғы элемент пайда болғаннан кейін 5 күн
өткенше жұқпалы болып келеді.
Эпидемияға қарсы шаралар. Науқасты жазылғанша оңашалау қажет (кестені қара).
Карантин желшешекпен ауырмаған 7 жасқа дейінгі балаларға ғана аурулардан айырған-
нан кейін 11-21 күнге жасалады. Қатынаста болған балаларға күнделікті термометрия,
терісі мен кілегей қабықтарын қарап отырады. Дезинфекция жүргізілмейді, күнделікті
дұрыс жүргізілген жинаумен бөлмені желдендіру жеткілікті деп есептелінеді. Біздің елде
алдын-ала егу қолданылмайды, бірақ дүние жүзінде бұл мәселе шешіліп жатыр.
