Балашт ү с І п қ алие в б а л алара у р у л а р ы
жүктеу/скачать 11,76 Mb. Pdf көрінісі
|
Балалар аурулары (МЖОО «Стоматология» факультеті студенттеріне арналған)
| (134 кесте).
Сонымен қатар Еуропада және АҚШ эндокринологтары СГТТ-ны қант диабетінің диагностикасында қолдануды тиімсіз деп есептейді. 134 КЕСТЕ ДИАБЕТТІ ГЛЮКОЗА ТОЛЕРАНТТЫ ТЕСТ КӨРСЕТКІШТЕРІ БОЙЫНША АНЫҚТАУ ШЕКТЕРІ (қандағы қант ммоль/л). Көмірсулар алмасуының жағдайы Ашқарынға Глюкоза бергесін 60 минуттан кейін Глюкоза бергесін 120 минуттан кейін Дені сау балалар 6,7 10 6,7 Глюкозаға толеранттығының бұзылуы 7,1 - 7,2 10,8 -11,1 7,9 - 8,3 Манифесті диабет 7,2 11,1 8,3 Қант диабетінің ауырлық дәрежесін анықтау . 1. Диабеттің жеңіл ағымы – микро - және макротамырлық асқынулар болмайды. 2. Орташа ауыр ағымы – диабеттік ретинопатияның, пролиферативті емес сатысы. Диабеттік нефропатия микроальбуминурия сатысында болады. Диабеттік полинейро- патия көріністері байқалады. 3. Ауыр ағымы – диабеттік ретинопатияның, пролиферативті сатысы. Диабеттік нефропатия, протеинурия, созылмалы бүйрек жетіспеушілігі байқалады. Автономды полинейропатия, макроангиопатия көрінісі болады. І типті қант диабетінің емі. Негізгі мақсат – аурудың тұрақты компенсациясын сүйемелдеу және оған қол жеткізу. ДДҰ ұсынысы бойынша І типті қант диабетінде көмірсу алмасуы компенсациясының шектері (критериялары) болып саналады. Компенсацияға қол жеткізу кешенді шаралардан тұрады: 1. Емдәм (диета). 2. Инсулинмен емдеу. 3. Науқасты үйрету және өзін-өзі бақылау. 4. Мөлшерленген физикалық жүктеме. 5. Асқынулардың алдын-алу және емдеу. Баланың өсуі мен дамуы қалыпты болуы үшін емдәм ақуыз, май, көмірсу бойынша теңгерімді болуы қажет. Емдәмнің ерекшеліктері: жеңіл сіңірілетін көмірсуларды (қант, бал, бидай ұны, ақ жармалар) ас мәзірінен алып тастау; 556 құрамында тағам талшықтары жеткілікті өнімдерді (қара бидай ұны, тары, сұлы, қара- құмық жарамалары, көкөністер, жемістер) қолдану. Тағамдық талшықтар глюкозаның ішектен жалпы және төменгі тығыздықтағы липопротеидтердің сіңірілуін азайтады; тәулік бойына қабылдаған инсулинге сәйкес, көмірсулардың уақытымен және мөлшерінің таралуы бойынша бекітілген емдәм болуы қажет; ас мәзірін құрған кезде барлық тағамдар 6 топқа бөлінеді (1-топ – крахмалдар, 2-топ – жемістер, 3 топ – сүт, 4 топ – көкөністер, 5 топ – ет, 6 топ – майлар); өнімдердің эквивалентті алмасуы әр топтың ішінде жекелеген қажеттілікпен жүреді (25г нан ½ стакан ботқамен немесе ½ стакан картоп пюресімен алмасуы мүмкін). Бір топтың өнімі екінші топтың өнімімен алмаспауы керек; полиқанықпаған өсімдік майы мөлшерінің жоғарлауына байланысты жануар майының мөлшері азайтылады; коректік заттардың оңтайлы құрамы 55% көмірсудан, 30% майдан, 15% ақуыздан тұрады. Тағамның тәуліктік мөлшерін бөлу. Негізгі қабылдау: тәңертеңгілік ас – 25%, түскі ас – 25%, кешкі ас – 20-25%. Қосымша қабылдау: екінші тәңертеңгілік ас, бесін ас, екінші кешкі ас. Диетаға кеңес берер алдында міндетті түрде калориялық қажеттілікті есептеу керек. 1 жасқа дейінгі балалардың тәуліктік қажеттілігі 1000-1100 ккал. 1 жастан кейін тәуліктік калориялық қажеттілік мына формуламен есептеледі: 1000 + (100 х n) n – 10 жасқа дейінгі жасы 10 жастан кейін 200 ккал қосылады. Инсулинмен емдеу . І типті қант диабеті инсулинге тәуелді болғандықтан инсулинді енгізу осы категориядағы науқастарды емдеудің жалғыз жолы болып есептеледі. Инсулинмен емдеу тәртібі жеке таңдалады. Аурудың бірінші жылы тәулігіне 0,25-0,5 бірлік/кг, келесі жылдары 0,5-0,7 бірлік/кг енгізіледі. Аурудың пубертатты кезінде немесе, ауру 5 жылға созылса – тәулігіне 1 бірлік/кг енгізеді. жүктеу/скачать 11,76 Mb. Достарыңызбен бөлісу:
|