Барлығы – 165 сағат

Теорема. Матрицаның рангсы оның құрамындағы нолден өзге минорлардың ең жоғарғы ретіне тең.

Бұл әдіс бойынша матрицаның сол жақ жоғарғы бұрышындағы 2-ші ретті минорын есептейді (оны М деп белгілейік). Ол нолден өзге болса, құрамына осы М минорын сақтайтын 3-ші ретті минорларды есептейді. Егер олардың бәрі нолге тең болса, онда матрицаның рангсы 2-ге тең. Ал егер олардың біреуі нолден өзге болса, онда басқаларын есептемей, құрамына саны сақтайтын 4-ші ретті минорларды есептейді. Егер осы 4-ші ретті минорлардың бәрі нолге тең болса, онда матрицаның рангсы 3-ке тең. Ал егер олардың біреуі нолден өзге болса, онда басқаларын есептемей, құрамына осыны сақтайтын 5-ші ретті минорларды есептейді. т. с.с.

Сұрақтар:

1. 
   Егер берілген матрицаға өзіміз тағы бір жол (баған) қосып жазсақ, оның рангсы өзгере ме? Не себепті? Егер өзгерсе, қалайша өзгереді? өсе ме, кеми ме? Қандай санға өзгереді?
   
2. 
   Егер берілген матрицаның бір жолын (бағанын) сызып тастасақ, оның рангсы өзгере ме? Не себепті? Егер өзгерсе, қалайша өзгереді? өсе ме, кеми ме? Қандай санға өзгереді?
   
3. 
   46 өлшемді матрицаның рангсы ең көп болғанда неге тең?
   

Анықтама. Бірдей өлшемді, сәйкес элементтері тең матрицаларды «тең» деп атайды.

Анықтама. Бірдей өлшемді екі матрицаның қосындысы деп олардың сәйкес элементтерін қосқанда шығатын матрицаны айтады.

Анықтама. Бірдей өлшемді екі матрицаға олардың қосындысын сәйкестікке қоятын амалды матрицаларды қосу амалы деп атайды.