Қан айналысы бұзылысындағы жүрек жетіспеушілігі дамуының екі түрлі себебі бар:1)миокард метаболизмі тікелей бұзылып, ондағы АТФ пен калийдің жетіспеуінен болатын миокард жиырылғыштығының төмендеуі.Көбінесе миокардиттен, гипоксиядан, зат алмасуының бұзылыстарынан туатын осы себепке байланысты түрін энергетикалық-динамикалық жетіспеушілік деп атайды.
2)Жүрекке түсетін ауыртпалық артық болып, оның етінің зорлануынан, шамасынан артық қызмет етіп, шаршауынан, яғни компенсаторлық мүмкіншілігі тамамдалғанынан болатын жүрек жетіспеушілігін гемодинамикалық жетіспеушілік дейді.Осы жетіспеушілік іштен біткен, не жүре пайда болғанжүрек ақауларында, сиректеу жағдайда үлкен және кіші қан айналысы шеңберіндегі гипертензиямен байланысты пайда болады.
