Бекітемін қарағанды облысы білім білім басқармасының Жезқазған қаласының білім бөлімі
жүктеу/скачать 34,03 Kb.
|
Жыр дария 4 Ә
- Бұл бет үшін навигация:
- «Жыр дария» мәнерлеп оқу үйірмесінің бағдарламасы 4 «Ә» сыныбы Үйірме жетекшісі:Сәдірислам Д.Ғ. Түсінік хат
- «Жыр дария» мәнерлеп оқу
- «Мәнерлеп оқу»
- Проблемалары
«Жыр дария» мәнерлеп оқу үйірмесінің бағдарламасы 4 «Ә» сыныбы Үйірме жетекшісі:Сәдірислам Д.Ғ. Түсінік хат Төртінші сыныптарға арналған «Жыр дария» мәнерлеп оқу үйірме бағдарлама үлгісі аптасына 1 сағат, жылына 34 сағат жүктеме берілген. Негізгі оқу материалдарын басшылыққа ала отырып, бұл бағдарлама оқушылардың әдебиет пәнінен алған білім, білік, дағдыларын, танымдық қабілеттерін және пәнге деген қызығушылықтарын арттырады. Тереңдетілген бағытта алынған бағдарлама құрылымында оқушылардың жас ерекшеліктері мен даму деңгейі ескеріледі. Қазақтың белгілі ақындарының өлеңдерін оқытудағы әдістемелік басты принцип – өлеңді келістіре бабына келтіре, ойлана оқуға, ойландыра оқуға үйрету. Өлеңдерді оқу алдында оқушылар бұған дейін танысқан өлеңдерінің құрылысы жайындағы мәліметтерді еске түсіру қажет. Бұл алда өтетін материалды игеруге дайындау болып табылады. Олай болса, ақындарының шығармашылығын оқыту барысында жүйелі түрде мына мәселелер қарастырылуы керек: - Қазақ ақындарының шығармаларындағы тарихи шындық; - Халық ауыз әдебиетінің мол мұрасы мен шығыс шайырларының әсері; - Қазақ ақын, жазушыларының орыс және әлем әдебиетімен, ғылыми философиясымен сусындауы; Бүгінгі таңда бала тәрбиесіне, балаларға сапалы білім беру дәрежесіне айрықша назар аударылып отырғаны баршамызға белгілі. Мектептегі білім алушыларды туған халқымыздың ауыз әдебиеті үлгілерінен бастап, көркем әдебиетіміздің туындыларымен сусындата алсақ қана жасөспірімінің жан дүниесін жадыратуға болады. 4-сыныптағы «Мәнерлеп оқу» курсының ерекшелігі балалардың коммуникативтік немесе тілдік дағдылардың алғашқы нышандарын қалыптастыра отырып, сөздік қорын байытуды, байланыстыра және грамматикалық тұрғыдан жүйелі сөйлеуге үйретуді, сөйлеу мәдениетін қалыптастыруды көздейді. Көркем шығармалар түрін мәнеріне келтіре оқи отырып, ұлттық тәрбие, рухани-мәдени құндылықтар, ана тілі және қазақ халқының салт-дәстүрі негізінде сусындаған жеке тұлғаны қалыптастыруға ықпал етеді. Бұл бағдарлама адамның ішкі рухани жан дүниесінің байлығын ашуға, адамгершілікке тәрбиелеуге, тілі мен қиялын дамытуға мүмкіндік береді. Қорыта айтқанда, оқушыларға «Мәнерлеп оқу» үйірмесін оқытудың олардың өмірге деген көзқарасын дамытудағы орны ерекше екендігін айта кету орынды. Проблемалары Қоғам дамуы қарыштап алға басқан сайын ғылым-білімнің де керегесі кеңейіп, жаңалық молая түсуде. Ғылым мен техниканың жаңалықтары көз ілеспей дамып келеді. Ал, мектеп сол жаңалықтың барлығын оқушыларға меңгерту үшін бейімделе бастады. Кітаппен жұмыс істеу – мектепішілік мәселеге айналып барады. Мектептен тыс жерде, үйде балалар көбіне теледидар көріп, интернетке шығып, компьютермен ойын ойнайды. Кітап оқу екінші орынға ауыса бастады. Мектептегі оқушылардың кітапқұмарлығының ақсап бара жатқаны көруге болады. Алайда, білімнің негізгі бұлағы кітап оқу екені – басы ашық ақиқат. Ауызекі сөйлеу барысындағы ахуалдар, балалардың дұрыс оқуы мен дұрыс сөйлеуі, ой-өрісінің даму барысындағы кездесетін кедергілерді жою. Өзектілігі Мектептің алғашқы басқышы, негізгі тірегі бастауыш сыныптан бастап, жас жеткіншектерді әсемдікке, әдемілікке, ойлай білуге, өзіндік ой түйіндей білуге, көркем шығармаларды мәнерлеп оқи отырып, білімді болып тәрбиеленуі. Балалардың қоғамдағы өмірге бейімделуі тілдік қарым-қатынас арқылы жүзеге асырылуы. Мақсаты «Мәнерлеп оқу» курсы– түсініп, дұрыс, мәнерлеп және шапшаң оқуды меңгерту, оқушыны шығарма авторының көзқарасын түсінуге жетелеу және мәтінді қабылдаушы оқырман ретінде өздерін тәрбиелеу, көркем-шығармашылық және танымдық қабілеттерін дамыту, сөз өнеріне деген қызығушылығы мен эстетикалық талғамын қалыптастыру, сөйлеу әрекетінің барлық түрін жетілдіру, ұлттық және жалпыадамзаттық құндылық пен рухани-адамгершілік тәрбие беру. Ауыз әдебиетінің түрлі жанрларымен танысып, өз бетімен оларды оқуға қызықтырып, кітапқұмарлыққа баулу. Міндеттері: Ауызекі сөйлеу мәдениетін қалыптастыру; Өзінің ойын, көзқарасын жүйелі жеткізе білу; Әдеби функционалдық сауаттылыққа баулу және әдеби тілде мәнерлі, еркін сөйлеуді меңгерту; Мәнерлеп оқу арқылы ойлау қабілетін арттыру, шығармаларды оқи отырып, өздерін тәрбиеге жетелеу; Мәнерлеп, әсерлі оқуға талаптану; Үнтаспаға жазылған бірнеше әдеби үлгілерді оқуға жаттықтыру барысында оқу мен сөйлеудің байланысын түсініп, салыстыра отырып, олардың ұқсастығы мен айырмашылығын көру; жүктеу/скачать 34,03 Kb. Достарыңызбен бөлісу:
|