Бекітемін: Еңбекші ауылдық клубының басшысы ___________________ Б.Габдулов « »______________ 2022 жыл
Ұстаздар күніне арналған «Ұстаз – үлгі, өнегем, ұлағатым» атты мерекелік шараның сценарийі
Өтетін орны: Еңбекші ауылдық клубы.
Өтетін күні: 4 қазан 2022 жыл. Өтетін уақыты: сағат 17:00-де. Жүргізуші: Ернар Қабиев, Самал Зинурова (1) (Композиция, оқушылардың барлығы сахнаға шығып дайын тұру керек) ФАНФАР Жүргізуші ЖІГІТ: (выход 1)
Армысыздар, Еңбекші жалпы орта мектебінің ардақты ардагер ұстаздары, мәртебелі меймандар, білікті де білімді шәкірттерді тәрбиелейтін асыл ұстаздар, жәнеде кеш қонақтары!
Жүргізуші ҚЫЗ: Ұстаз — ұлағатты есім. Күн сәулесі өмірге қандай жарық берсе, ұстаз есімі де шәкірттерге күндей жарық береді.
Жүргізуші ЖІГІТ: Ия, бүгін сол, мектептің айнасы, бәйтерегі, ұстаздар қауымының төл мерекесі. Олай болса, бүгінгі күн ұстаздарға арналмақ. Осынау айтулы мерекеге арналған «Ұстаз – үлгі, өнегем, ұлағатым»атты мерекелік шарамызға
БІРГЕ ҚОШ КЕЛДІҢІЗДЕР! Жүргізуші ЖІГІТ: Ұстаздық - өнер, тағылымы терең өнер. Ал өнерлі болу кез - келген адамға қона бермейді. Олай болса, шын ұстаз болу үшін табиғи дарын ізгілікті ізденіс пен ерен еңбекке ұштастырылуы шарт. «Шәкіртсіз ұстаз тұл» деген сөз тегін айтылмаса керек.
Жүргізуші ҚЫЗ: Шынымен де, мен де осы сөзің дәлелді бола түсуі үшін мына жыр шумақтарын қосайын:
Ұстаз болу – жүректің батырлығы,
Ұстаз болу – сезімнің ақындығы,
Ұстаз болу – мінездің күн шуағы,
Азбайтұғын адамның алтындығы –деп ақын Ғафу Қайырбеков ағамыз жырлағандай, біздің мектебімізде сөзі – маржан, үні – ән ұстаздардың бар болғанын мақтаныш етемін. Әрине, ұстаз жүгі – ауыр жүк. Адамның жан дүниесін түсініп, ренжітпей, қателігін сездіре білу – бұл нағыз шеберлік емес пе?!
(Трибуна әкелу керек)
