Бақылау жұмысын орындау нұсқауы

Бақылау жұмысын орындау нұсқауы
Студент берілген бақылау сұрақтарымен жұмыс жасарда жергілікті
кітапханалар жөнінде толық білуі, қарауы керек. 
Сессия кезінде студенттер «А.Байтұрсынов атындағы Қостанай
Мемлекеттік Университетінің Білім орталығының», ГӘФ оқу залының, ГӘФ
жаңа технологиялар кабинетінің, Л.Толстой атындағы облыстық
кітапхананың, Н.Островский атындағы қалалық кітапхананың кітап қорын
пайдалана алады.
Білім орталығының анықтамалық-библиогарфиялық бөлімінде
библиограф студентке барлық пәндер бойынша әдебиеттер және деректер
түрлерін, монографияларды ұсынады. 
Электронды залда студент әр пән бойынша бейнематериалдармен,
оқулықтардың электронды нұсқасымен таныса алады. 
Әрбір студент әр пәнге қатысты материалдар жарияланатын баспа
беттерін де ала алады. Университеттің Білім орталығындағы каталогтар
залында тіл және әдебиет теориясы кафедрасы берген бақылау
жұмыстарының, жұмыс жоспарының толық орындалуына мүмкіндік алады.
Бақылау жұмысын орындау-сырттай оқу бөлімі студенттерінің оқу
жоспарының бір бөлігі. 
Бақылау жұмысы студенттерге дәрістерде және семинарларда алған
білімдерін бекітуі, зерттеушілік қызметінің дағдылануы,әр пәнге қатысты
өзін қызықтыратын жекелеген мәселелерді қарастыруы, ғалымдар еңбектерін
оқуы үшін беріледі. 
Сырттай оқу бөлімінің студенттері үшін Тіл және әдебиет теориясы
кафедрасының оқытушылары кесте бойынша әр пәнге кеңес өткізеді.
Сырттай оқу бөлімінің студенттеріне бақылау жұмыстарын жазу барысында
өзіндік мамандықтың ерекшелігін есепке алу керектігі айтылады. Емтиханға
дайындық барысында альтернативті оқулықтар мен оқу құралдарымен бірге,
академиялық шығармаларды қолдануды ұсынамыз. 

Реферат жазуға әдістемелік нұсқау
Тақырыпты таңдау берілген тақырыптар бойынша студенттің өз
қалауымен жүзеге асырылады. Тақырыптар қазақ тілі мен әдебиеті
кафедрасы арқылы қаралып, бекітіледі. Зерттеушінің міндеті алған
тақырыбымен шығармашылық жұмыс жасап, тың пікірлермен ашу, оқылып
отырған мәселеге байланысты өз көзқарасын білдіру. 
Әдебиеттер алуды студент өз бетінше жүзеге асырады. Каталогпен
жұмыс жасау қабілеті артады. Реферат жазу барысында келесі дерек көздерін
пайдалану абзал: шетел ғалымдарының тілге қатысты еңбектері, мұрағат
материалдары, отандық тілшілеріміздің еңбектері, баспасөз беттеріндегі
материалдар және т.б. Сөздіктер, анықтамалықтар және энциклопедиялар
қолданылады. Бұл жұмыс әдебиеттер тізімін алфавит бойынша жазу және
талап етілген көркемдеумен аяқталады. Реферат жазуда кемінде бес әдебиет
пайдаланылады. 
Содан кейін рефераттың болжаулы жоспары талқыланады. Жоспарға
міндетті түрде келесі бөлімдер енуі керек.
Кіріспеде рефераттың өзектілігі талқыланады. Автордың тақырыпты
таңдап алудағы себебі, қарастырылатын мәселеге жалпы қысқаша шолу,
ғылымдағы орнына анықтама беріліп, мақсаты мен міндеті қойылады.
Негізгі бөлімде екі-үш сұрақ қаралады, мәселені осы сұрақтар арқылы
ашу керек. Сондай-ақ, қолданған дерек көздеріне талдау жасалады,
тақырыптың ғылымдағы сипатына өз пікірін білдіру, сонымен бірге автор
әрбір бөлінген бөлімге өз қорытындысын жасайды. Шығармашылық жұмыс
үшінші жақтың негізінде баяндалады.
Қорытынды автордың тәжірибелік нұсқаулары мен өзіндік көзқарас
қорытындысымен аяқталады. 
Рефератты көркемдеудің талаптары:
Көлемі-компьютерде терілгенде 15 бет, ал қолмен жазылса 20 бет, А4
бетте жазылуы керек. Беттер нөмірленуі қажет.
Рефераттың құрылымы төмендегі бөлшектерден тұрады:
-Сыртқы беттен
-Мазмұннан
-Кіріспеден
-Жұмыстың негізгі мәтінінен
-Қорытындыдан
-Библиографиялық тізімнен
-Қосымшалардан (егер бар болса)
Рефераттың негізгі мәтіні параграфтарға бөлінеді, олар араб
сандарымен нөмірленіп, өз атауы болуы керек. Мәтіндегі сілтеме келесі
үлгіде болуы қажет: [3, 12 бет].

Баяндаманы жазу нұсқауы
Баяндама жазу барысы да рефератты жазудағы кейбір мәселелерге
жақын болып келеді. Жекелеген көркемдеулер міндетті емес, бірақ
баяндама құрылымы келесі компоненттерге ие болуы қажет: кіріспе, негізгі
мәтін, қорытынды, библиографиялық тізім. 2-3 дерек көзі қолданылса,
жетерлік.
Баяндама жазу компьютермен терілсе-5 беттік, ал қолмен 7-8 бет
көлемінде болады. Дерек көзі: рефератта жазғандай...