3.Ошақтан тыс компрессионды - дистракционды остеосинтезді орындау үшін Илизаров,Гудушаури ,Ткаченко ,Волков ,Оганесян аспаптары жиі қолданылады .Бұл әдіс сынық аймағын ашпай - ақ , сүйек сынықтарын түзеуге және оларды бекітіп ұстап тұруға мүмкіндік береді. Гипсті иммобилизацияның қажеті болмайды, салынған аспаптармен науқастар аяғына толық күш түсіріп жүре береді.
Батырылмалы остеосинтез Бұл тікелей сынық аймағына сүйекті бекітуші заттарды хирургиялық әдіспен енгізу болып табылады.Орналасуына байланысты остеосинтездің:
сүйекішілік ( интрамедуллярлы ) ,
сүйекүстілік
сүйек арқылы түрлерін ажыратады .
Сүйекүстілік остеосинтезде бұралмалы шегелері ( шуруптары ) бар әртүрлі пластиналар қолданылады.
Сүйек арқылы остеосинтезде бұраулар ( винттер ) мен спицалар қолданылады . Остеосинтездің осы түрлерін біріктіріп жасауға да болады . Сүйекішілік остеосинтез жабық және ашық болуы мүмкін . Жабық сүйекішілік остеосинтез - арнайы аспаптардың көмегімен сынықтың ұштарын түйістіргеннен кейін , сынған сүйек майы өзегіне сынған жерден алысырақ орналасқан теріде кішігірім тілік жасау арқылы , рентгенмен бақылапөткізгішімен бірге ұзын металл енгізіледі.Содан кейін оны алып тілінген теріні тігеді.
Достарыңызбен бөлісу: |
