4. Курстық жұмысты орындау тәртібі Курстық жұмыстарды орындауды төмендегі кезеңдерге бөлген жөн, тақырып таңдау, әдебиет жинақтау және оны зерттеу нақты стилистикалық материалды жинау және өңдеу жұмысты жазу, курс жұмысын рәсімдеу, курс жұмысын қорғау.Кафедра ұсынған тақырыптар арасынан студент өзіне тақырып таңдау қажет, кей жағдайда, кафедра тізіміне енбегін тақырыпты студент өзі ұсынуға құқылы. Кафедра тақырып тізімін құрастырғанда, оның оқу әдебиетімен сәйкес келуін қадағалайды, студентті жұмыстың мағынасын ашуда, әдіснамасын анықтауда өзіндік жұмысқа бағыттау қажет. Тақырып тізімін дайындауда, оқу тобында бір тақырыпты тек қана бір студент орындауын ескеру қажет. Тақырып таңдағаннан кейін студент каталог бойынша әдебиеттер тізімін дайындап, оны оқуы қажет. Ол жұмысты кафедра ұсынған осы пәннің жұмыс бағдарламасында және семинар сабағының әдістемелік нұсқауында көрсетілген әдебиетті зерттеуден бастауы керек. Мерзімді баспа материалын курстық жұмыс мәселелерін толығырақ ашатын еңбектерден бастау дұрыс, ал кейін алдыңғы басылымдарға өту қажет. Әдебиетті жинап, оқып болғаннан кейін студент курстық жұмыстың жоспарын дайындайды. Жоспар жұмыстың негізгі мәселелерін толық ашу керек, курстық жұмыстың құрылымына сай болуы керек. Жоспар құрылғаннан кейін, оны жетекшісімен бірлесе отырып бекітуі қажет.
