Монстера(Monstera ),аройд өсімдік тұқымдасына жатады.
Бұл –Орталық Американың тропик ормандарында мәңгі көгеріп тұратын өсімдік.
Монстера өсімдігін әшекейлі тілімденген, үлкен жылтыр жапырақтары үшін өсіреді. әрине, үйде өсірілген монстера оның табиғи жағдайда өсетіндей гүлдеп, жеміс бере алмайды.
Монстераны көктем сайын көшіріп қайтадан отырғызады. Қайтадан отырғызылатын ыдыс кең болуы керек. Топырақтың құрамы мынадай болады: 1 бөлегі шым топырақ, 1 бөлегі жапырақ топырақ, ½ бөлегі құм. Оның үстіне топыраққа аздап мүк араластырылады. Осыдан кейін күн сайын суарып және су бүркіледі, ауық- ауық тауық саңырығымен үстеп қоректендіріледі. Күзге қарай суару сиретіледі. Қыста өте сирек суарылады. Бұл кезде өсімдік тұрғын үйдің температурасы +12-15º болуы керек.
Монстераны вегетативті жолмен көбейтудің бірнеше тәсілдері бар. Солардың ішінде көп қолданылатыны атпа бұтақтарын пайдалану және қалемшелеу. Атпа бұтақтар өсімдіктің сабағының төменгі жағында пайда болады. Көктемде өсімдікті қайта отырғызарда осы атпа бұтақтарды бөліп алып жеке ыдысқа отырғызады.
Монстера делизиоза ауаның жылы болғанын жақсы көреді. Сондықтан оны әрқашан жылы бөлмеден ұстаған дұрыс.
