Лекция № 13. Бөлме өсімдіктердің түрлері.
Дәрістің мақсаты: Бөлме өсімдіктерінің түрлерімен танысу.
Дәріс мазмұны:Бегония. (Begoniaceae) Сыртқы көрінісі, биологиялық ерекшелігі мейлінше алуан түрлі болып келетін бегония өсімдігінің 400 түрі бар. Бұл өсімдік түрлері Африка, Америка және Малая Архипелагындағы тропиктік ормандарда табиғи түрде таралған. Бегониялар сабағы түкті, жапырағы түрлі – түсті көп жылдық шөптесін өсімдік. Гүлінің пішіне де, түсі де әр алуан.
Үйде өсірілетін бегониялар үш топқа бөлінеді. Олар әдемі гүлдері үшін өсірілетін, ылғи көгеріп тұратын және жақсы түптенетін бегония.
Бұтақты бегониялардың ішінен аса көп тараған әдемі түрін үздіксіз гүлдейтін бегония деп атайды. Бұлардың жапырағы шынайы жасыл да жылтыр, жиегі ара тісті. Сабағы бұтақтанған, ал оның төменгі жағы сүректі келеді. Оның гүлдері жиі орналасады. Күлте жапырағы қызыл болып келеді.
Түйін тамырлы бегония гүлдерінің диаметрі 11 – 12 см, кейде тіпті 30 см-ге жетеді, сабағы аласа, шырынды және сыңғақ келеді. Жапырақтарының түсі күнгірт жасыл, көлемі ірі, күлтесі ақ, қызыл, сары.
Достарыңызбен бөлісу: |
