5. 11-сынып оқушысының дайындық деңгейіне қойылатын талаптар 24. 11-сынып оқушылары:
тірі табиғаттың эволюциясы туралы түсінік;
Ч.Дарвин ілімі қалыптасуының алғышарттары;
Ч.Дарвиннің қолдан және табиғи сұрыпталу туралы ілімі;
тіршілік үшін күрестің формалары;
мутациялардың эволюциялық рөлі ;
Табиғи сұрыпталудың формалары;
түр түзілу туралы қазіргі көзқарастар;
эволюциялық процестің негізгі бағыттары,
биологиялық прогреске жету жолдары;
эволюцияның негізгі заңдылықтары: дивергенция, конвергенция, -параллелизм;
архей,протерозой ,палеозой,мезозой кайнозой замандарында жерде тіршіліктің дамуы;
биологиялық түр ретінде адамның қасиеттері;
адамның биоәлеуметтік қасиеттері;
әлеуметтік дарвинизмнің,, кертартпалық рөлі;
организм және ортаның қарым-қатынастары;
биосфераның құрылымы және оның құрам бөліктері;
ортаның биотикалық, абиотикалық және антропогендік факторлары;
орта факторлары әрекетінің қарқындылығы, шектеуші фактор;
организмдер арасындағы қарым-қатнастардың формалары;
антропогендік факторлардың биоценоздарға әсері;
экологиялық кешендер түзудің шараларын туралы білуі тиіс.
25. 11-сынып оқушылары:
жер бетінде тіршіліктің пайда болу процесін материяның эволюциялық түрөзгерістері тізбегіндегі табиғи оқиға ретінде материалистік тұрғыда түсіндіру;
алуантүрлі организм түрлері шығуының және олардың тіршілік ортасына бейімділігінің себептерін эволюцияның қозғаушы күштері мен олардың мәні туралы білімге сүйеніп түсіндіру;
экологиялық жүйелерде түрлердің бірлесіп тіршілік етуге бейімділік белгілерін анықтап түсіндіру;
өнеркәсіп пен ауылшаруашылығындағы экологиялық заңдылықтар туралы мәліметтерді іс-тәжірибеде қолдану;
биоценоздың түрлік құрамына талдау жүргізу;
биоценоздардағы кейбір өзара қарым-қатынас формаларын айқындау;
нақты орта жағдайларындағы қоректік тізбектерді сипаттау;
орман шаруашылығы, балық шаруашылығы тағы басқа ұйымдастыру үшін экологиялық білімді дұрыс пайдалану;
табиғи ресурстарды тиімді пайдалану және қоршаған ортаны қорғау міндеттерін шешу;
зертханалық және практикалық жұмыстарды орындауда техникалық қауіпсіздік ережелерін сақтау біліктігі болуы тиіс.
