Бірінші Lesson Study сабағы туралы Рефлексивтік есебі Тақырыбы; «Особенности произношения специфических русских сочетаний букв -ого-, его-, ци-,жи,ши, чт,чн»

Оқу үрдісінде СТО әдістерін қолдану сабақ мақсатына жетуге көмегін тигізеді

«Оқушылардың сын тұрғысынан ойлауын дамытуда СТО әдістерін қалай қолдануға болады?

«Оқушылардың сын тұрғысынан ойлауын дамытуда топтық жұмысты қалай ппай» деген тақырыптағы әдістемені жетілдіруді мақсат етіп алдық. Бұл әдістемені алған мақсатымыз оқушылардың топтық жұмыстағы іс-әрекеттерін зерттеу және сол арқылы сын тұрғысынан ойлау қабілеттерін дамыту.

Бірінші Lesson Study-ды талқылау

Бірінші Lesson Study-ды талқылау барысында озат оқушы Қалқаман Салтанат, күткен үмітіміз ақталды. Оқушы сабақ материалын толық көлемде меңгеріп, өзін көшбасшы ретінде таныта білді. Орта деңгейдегі оқушы Махмут Бибінұрдың сөздік қоры аздау, бірақ тапсырмаларды толық көлемде меңгереді деп күткен едік, үмітіміз артығымен орындалды. Топтық жұмыс бұл оқушылардың белсенділігі мен қызығушылығының артуына алып келді. Постер жасауда ерекше белсенділік танытты. Төмен деңгейдегі оқушы Наурызов Қуанышбек сабақ барысында аздап қысылып отырды. Осыған қарап дәстүрлі сабақтарда бұл оқушылардың назардан тыс қалып, оған жете көңіл бөлінбей келгендігі анықталды. Топпен бірлесе қимылдап, топ мүшелерінің бір-бірін жетектеп, қолдауының арқасында оқушы сабаққа өз үлесін қоса білді. Мысалы, топтардағы тестке жауап берер кезінде Қуанышбекпен бір топтағы Салтанаттың, «Сұрақтың жауабын Қуанышбек айтады» деп оқушыға қолдау білдіруі оның ынталануына ықпал етті. Жете көңіл бөлінген жағдайда оқушының сабаққа белсенді қатысуға мүмкіндігі бар екендігі анықталды.Ауызша айтылған айғақтар негізінде сын тұрғысынан ойлау тапсырмаларын орындауда топпен ақылдасу тапсырманы шешуде ерекше маңызға ие болды.Бұл кезеңде Оқушылардың нәтижесін жақсарту үшін Lesson Study –де шығармашылық жұмысқа көбірек көңіл бөлу, оқушылардың өзіне айтқызу, кез-келген ситуациядан өздігінен шығу, сабақта проблемалық сұрақтарды өмірмен байланыстыра отырып қою, топтар арасында бәсекелестікті арттыратын тапсырмалар беру, тапсырмаларды сын тұрғысынан ойлауға бағыттап беру деген мәселелер ескерілсін деген пікірлер айтылды. Бұл пікірлер екінші Lesson Study-де өткізілетін сабақ жоспарына енгізілді.