Біріктірілген (консолидацияланған) баланста дебиторлық және
кредиторлық борыштардың шоттары бойынша біріктірілген топқа
(ұйымдарға) қатысты тек сыртқы ұйымдардан алынатын және берілуге тиісті
сомалар көрсетіледі, ал топқа енгізілетін компаниялар арасындағы есеп айы-
рысулар сомасы алынып тасталуға жатады.
2.3
Табыстар мен шығыстар (пайда және зиян) жөніндегі
біріктірілген қорытынды есептілік
Егер бас кәсіпорын еншілес кәсіпорынның акцияларынның 100
пайыздан аз бөлігіне иелік ететін болса, онда меншігінде акциялардың
қалған бөлігі (50 пайыздан төмен) бар акционерлердің мүддесін ескеру
қажет. Аздардың мүддесі деп аталатын бұл акционерлердің мүддесі
біріктірілген қаржылық есептілікте еншілес кәсіпорынның таза актив-
теріндегі және таза табысындағы (зиянындағы) олардың тиісті үлесіне
сәйкес келетін санда көрсетілуге тиісті.
Таза табыстағы (зияндағы) аздардың үлесі еншілес кәсіпорынның
есепті кезеңдегі алған таза табысының сомасынан анықталады және
еншілес кәсіпорынның бас кәсіпорынға тиесілі емес таза табысының
шамасын көрсетеді.
Біріктірілген табыстар мен шығыстар жөніндегі қорытынды есепте
аздардың үлесі жеке баппен біріктірілген таза табысты азайтушы
(көбейтуші) көрсеткіш ретінде көрсетіледі.
Мысалы: «Б» кәсіпорны еншілес кәсіпорынның акцияларының
70%-
на иелік етеді. Есепті кезеңде өзінің қаржы - шарауашылық
қызметінің нәтижесі бойынша еншілес кәсіпорын 400 мың теңге
мөлшерінде таза табыс алды . Еншілес кәсіпорынның таза табысындағы
аздардың үлесі 120 мың теңгені (400*30%/100%) құрады.
Біріктірілген қаржылық есептілікті құру бойынша жұмысшы
кестеде ол төмендегіше көрсетіледі.
Достарыңызбен бөлісу: 
