Балл қою кестесі – тоқсандық жиынтық бағалау тапсырмаларына балл қою бойынша бірыңғай норманы белгілеу үшін мұғалімдер қолданатын кесте.
Балл қою кестесі қашан және қалай балл берілетіндігін білдіретін, тапсырманың дұрыс (болжамды) жауаптарының үлгілері туралы анық және нақты ақпарат ұсынатын құрал болып табылады.
Балл қою кестесінің құрылымы және мазмұны пәндер мен тапсырмалардың түрлеріне қарай ерекшеленеді. Балл қою кестесінде тапсырманың нөмірі, тапсырманың орындалу кезеңдері көрсетілген жауабы, әр кезеңге берілетін балл және қосымша ақпарат көрсетіледі. Балл қою кестесінде жауабында көп таңдауы бар тапсырмалар үшін дұрыс жауабы - кілті көрсетіледі.
Ашық тапсырмалардың дұрыс (болжамды) жауаптарының үлгілерін құрастыру кезінде балл қою кестесінде бағалаудың үш аспектісі сипатталады: таңдалған орындау тәсілі, орындалатын аралық әрекеттер; алынған жауап. Бұдан әрі тапсырмаларды орындаудың әр кезеңінің балдары көрсетіледі.
Барлық балама (альтернативті) жауаптар балл қою кестесінде көрсетілуі тиіс, мұндай жағдайда олар «/» көлбеу сызықпен не болмаса «немесе» деген шылауымен ажыратылады.
