«Баланың құқықтары мен мүдделерін қорғау» атты
Халықаралық ғылыми-практикалық конференцияның ұсынымдары
(Астана, 2005 жылғы 24-25 қараша)
1. Ведомствоаралық үйлестіру
Нақты бір органға балалардың құқықтарын қорғау саласындағы ведомствоаралық үйлестіру функцияларын беру туралы ҚР Үкіметінің қаулысын әзірлеу (мүмкін ҚР Білім және ғылым министрлігі жанындағы Бала құқықтары жөніндегі комитет қайта құрылар); немесе Қазақстан Республикасы Үкіметі жанынан мемлекеттік бюджеттен қаржыландырылатын (горизонтал және вертикал деңгейде қадағалау өкілеттіктері бар) Бала құқықтары мен мүдделерін қорғау жөніндегі ведомствоаралық комитет құру (Президент Жарлығымен) немесе қайта жаңарту;
Бала еңбегінің неғұрлым ауыр нысандарын де-институцоналдандыру, түп-тамырымен жою және алдын алу мәселелері жөніндегі ведомствоаралық өзара іс-қимыл жасау тетіктерін (техникалық, заңдық, іс жүргізу және институцоналдық) тетіктерін әзірлеу және іске асыру;
Әлеуметтік қорғау органдарына кемтар балаларға қатысты басқа секторлардың қызметін үйлестіру үшін өкілеттіктер беру;
Ювенал әділет жүйесін енгізу жөніндегі жұмысты үйлестіру жөнінде үкіметтік емес ұйымдармен (бұдан әрі - ҮЕҰ), мемлекеттік құрылымдармен және халықаралық ұйымдармен жұмыс тобын құру, ғылыми-теориялық әлеуетті тарту;
Қазақстандағы балалардың жағдайына мониторинг жасау үшін бала мәселелерімен айналысатын, балалардың құқықтары мен мүдделерін қорғау жөніндегі ҮЕҰ Ұлттық коалициясын құру;
өңірлік өкілдіктері бар Бала құқықтары жөніндегі уәкіл институтын құру;
шұғыл телефон желілерін құру (Мектеп оқушылары сарайында орналасқан қоғамдық бала қабылдағыштағы сенім телефоны базасында болуы мүмкін);
ҚР Президенті жанындағы Отбасы және әйелдер істері жөніндегі ұлттық комиссия функцияларын (балаларды қорғау мәселелеріндегі күш-жігерді ведомствоаралық үйлестіру) кеңейту.
