Кез келген программаны алгоритм блокта-рының өзара байланысуына қарай үш түрлі басқару құрылымынан жасауға болады. Оларды құрылымдық программалаудың базалық құрас-тырғыштары (конструкциялары) деп атайды.
Бірнеше операторлардың тізбектей орында-луынан тұратын құрастырғыш реттік (сызық-тық) деп аталады. Қандай да бір шарттың орын-далуына тәуелді құрастырғышты тармақталу деп атаймыз. Цикл операторлар тізбегінің бірнеше рет қайталап орындалуын білдіреді.
1. Жалпы мәліметтер
Оператор – тілдің қарапайым сөйлемі, ол белгілі бір әрекет немесе амал орындап, ; таңбасымен аяқталады.
Сызықтық (реттік) құрылым бірінен кейін бірі орындалып тізбектеле орналасқан бір-неше операторлардан тұрады.
Цикл – операторлар бөлігінің бірнеше рет қайталана орындалуы.
Кез келген нүктелі үтірмен аяқталатын өрнек оператор болып саналады. Ол көбінесе берілген өрнек бойынша есептеу ісін атқарады. Бос опера-тор да өрнектің бір түрі болып табылады. Мысалдар:
Блок немесе құрама оператор – бұл жүйелі жақшалармен шектелген сипаттамалар мен опе-раторлар тізбегі {…}. Блок компилятор үшін бір оператор сияқты орындалады, ол синтаксис бойынша бір оператор болғанмен, алгоритм бойынша бірнеше операторлардан тұрады.
