«Денсаулық және сұлулық» ( факультатив курс бағдарламасы)

Түсінік хат

Адам өміріндегі ең қымбатты - денсаулық. Дені сау, білімді, жан – жақты дамыған адам ғана өз өмірін дұрыс жолға қоя алады. Денсаулықты ешқашан ешқандай ақшаға сатып ала алмайсың, бірақ оны сақтау және қалыптастыру әрбір адамның өз қолында. Ол үшін салауатты өмір салтын ұстану керек. Жасөспірімдік кезең есеюдің ең ғажабы. Бұл кезеңде адам ағзасында елеулі өзгерістер болады, сондай –ақ өмір сүру дағдысы қалыптасады. Жасөспірімнің болашақ өмірі үшін осы кезеңде зиянды әдеттерге үйір болмай өз денсаулығын күту керек, алдағы уақытта немен шұғылданады, қандай отбасын құрады т.т.с.с осы кезеңде дұрыс болуына байланысты. Өз ағзасын басқара алуы үшін ол ең бірінші ағзасының құрылысы қандай, қалай жұмыс істейді, ненің пайдалы немесе зиянды екенін білуі қажет.34 сағаттық «Денсаулық және сұлулық» факультатив курс бағдарламасы балаларға денсаулықтарын күтуге, жеке бас тазалығын сақтауға, демалысы мен еңбегін дұрыс ұйымдастыра алуға көмектеседі. Факультатив курс бағдарламасы мазмұнынына теориялық ұғымдар ме қатар практикалық тері, шаш, тырнақ, көз, тістерін күту жайында ұсыныстар мен кеңестер кіргізілген. Мектеп жасындағы оқушылар мен жасөспірімдердің осы кезеңде зиянды әдеттер темекі шегу, алкогольдік ішімдіктер мен есірткі заттарға әуестенулеріне байланысты зиянды әдеттердің әсері туралы арнайы тақырыпарналған. Курс бағдарламасында басты көңіл дұрыс тамақтану тақырыбына арналады. Курс 8 сынып оқушыларының жас ерекшеліктері мен басты оқу бағдарламасына негізделіп жасалған. Курсты оқу жасөспірімдердің дені сау, сұлу, өзіне сенімі мол жастар болып өсуіне септігін тигізеді. 

Курстың мақсаты: салауатты өмір салтын қалыптастыру , жеке басының дене сымбаттылығы мен денсаулығын жетілдіру және нығайту, өзін –өзі тану әдістерін үйрету. Күтілетін нәтижелер:Беріліп отырған курсты жүзеге асыру барысында жасөспірімдердің салауатты өмір салтын ұстану дағдысының нығаюы, гигиеналық мінез құлқы қалыптасуы тиіс.

Оқушылар үйренеді:

• 
  омыртқа жотасы, көз, мойын, қолдарға арналған жаттығулар кешенін;
  
• 
  таңғы және тыныс алуға байланысты жаттығулар кешенін;
  
• 
  көз, тіс, шашты күту тәсілдерін;
  
• 
  шынығу, массаж жасау түрлерін;
  
• 
  өз денесін күтуге арналған бағдарлама жасай алуға және мінез – құлқына баға беру тәсілдерін.
  

Күнтізбелік – тақырыптық жоспар( 34 сағат)