Анализ – түрлі сигналдарды анықтау, бөлу, организмге әсер ететін түрлі әсерлерді ажырату.
Синтез – біріктіру, талдап қорыту, ми қыртысының әртүрлі бөліктерінде туатын қозуларды біріктіру.
Динамикалық стереотип. Организмге сыртқы ортадан бір мезгілде және бірінен соң бірі әсер ететін жағымды және жағымсыз тітіркендіргіштер жүйесінің дәл қайталанып отыруы стереотиптілік деп аталады.
Ми қыртысының динамикалық стереотипімен байланысқан шартты рефлекстердің жақсы пысықталған әдеттер мен дағдылар, жұмысты ойланбастан және түсінбей істеу жүйесі болып табылатын (оқу және жазу негіздері, әдет, жүру, жүгіру, жүзу дағдылары).
И.П.Павлов жоғары дәрежелі нерв қызметінің негізгі 3 белгісін анықтады:
1) қозу мен тежелу процестерінің күші – ми қыртысындағы жүйке клеткаларының күшті және төтенше күшті тітіркендіргіштерге адекватты жауап қайтару қабілеті және оларға жауап ретінде қозуды немесе тежелуді күшейту;
2) қозу және тежелу процестерінің біркелкілігі, яғни олардың күші жөнінен тепе-теңдігі. Кейде бір организмдерде тежелуден қозу басым болса, басқа организмдерде – керісінше болады. Мұндай жағдайда бір организмдерде жағымды шартты рефлекстер айтарлықтай тез түзіледі, бірақ тітіркендіргіштерді (әсіресе нәзік) айыру қиын болады, ал екінші организмдерде осы тітіркендіргіштерге ми қыртысының жалпы тежелетіні байқалады;
3) қозу және тежелу процестерінің ширақтығы, яғни бір процесті (жағдайдың өзгеруіне байланысты) екінші процестің ауыстыру жылдамдығы.
И.П.Павлов жүйке қызметінің жалпы 4 типін бөліп көрсетті: Жүйке процесі күшті, ұшқалақ тип (тежелуден қозу басым);
жүйке процестері аса ширақ, күшті, байсалды тип. Жоғары дәрежелі нерв қызметінің мұндай типінде организмнің жағдайға тез көндігетіні, жаңа тітіркендіргіштерге активті әсер ететіні байқалады;
Жүйке процестерінің ширақтығы шамалы, жаңа тітіркендіргіштерге болар – болмас әсер жасайтын (барлық қызметінде сылбырлық бар) күшті, байсалды тип;
