Дәріс 1 Кіріспе. Генетика пәні және әдістері. Тұқым қуалаушылық және оның түрлері

1. 
   Гетерозиготалы екі қара итті бір-бірімен шағылыстырғанда ақ иттің дүниеге келу мүмкіндігі қандай?
   
2. 
   Қара көзді (доминантты белгі) солақай (рецессивті белгі) әйел, көк көзді (рецессивті), оң қолды (доминантты) еркекке үйленген. F1 ұрпақты тап?
   
3. 
   Қой бүлдіргенінің екі сорты бар. Бірінің жемісінің түсі қызыл (доминантты) және мұртшасы (рецессивті) бар, ал екіншісінің жемісінің түсі ақ (рецессивті) және мұртшасы жоқ (доминантты). F1-ы тап?
   
4. 
   Мынадай генотиптері бар өсімдіктер қандай гаметалар түзе алады?
   

а) ААВВ ә) АаВВ б)ааВВ

в) ААВв г) ААвв ғ) АаВв

д) Аавв е) аавв

5. 
   Бұршақ тұқымының сары түсі – А жасыл түсіне – а-ға қарағанда доминатты. Ал тегіс пішінді В бұдыр пішінді в-дан басым. Мына генотиптердің тұқымдарының түстері мен пішіндерін анықтаңдар:
   

а) ааВВ ә) Аавв б) АаВВ

в)ааВв г) ААВв ғ) ААвв

6. 
   Мынадай жолдармен будандастырғанда алынатын ұрпақтар тұқымдарының сыртқы көрінісін анықтаңдар:
   

ә) Аавв х Аавв; б) АаВВ х АаВв;

в) ААВв х аавв; г) ААвв х аавв;

ғ) ааВв х ааВв; д) ААВв х ААВа

7. 
   Тұқымның түсі мен пішіні бойынша гетерезиготалы өсімдік осы екі белгі бойынша да рецессивті гомозиготалы өсімдікпен будандастырылған. Алынатын ұрпақтың генотиптері мен фенотиптерін табыңдар.
   
8. 
   Сары тегіс тұқымдардан өсіп шыққан екі бұршақ өсімдігін будандастырғанда, сары тегіс тұқымдар алынған. Олардың ата-аналарының генотиптері қандай болады?
   
9. 
   Сары бұдыр тұқымнан өсіп шыққан бұршақ өсімдігі, жасыл тегіс тұқымнан алынған өсімдік тозаңымен тозаңдандырылған. Олардан алынған будан тұқымдардың жартысы сары тегіс, жартысы жасыл тегіс болып шыққан. Аталық және аналық өсімдіктердің генотиптерін анықтаңдар.