ДӘРІС №33
ТАҚЫРЫБЫ: Аралық ми: таламус, эпиталамус,метаталамус, гипоталамус
Аралық ми, diencephalon, бүйірлері жағынан соңғы ми сыңарларымен бітісе –өсіп, сүйелді дене мен күмбездің астында жатады.Екі бөліктен тұрады:1) Дорсалды бөлік, таламус-афферентті жолдар орталығы.
2) Вентралды бөлік, гипоталамус-жоғарғы вегетативтік орталық.Аралық мидың қуысы- III қарынша.
Таламус аймағы (көру миы) өз кезегінде 3 бөліктен тұрады :
1.Таламус, thalamus
2.Таламус үсті, epithalamus
3.Таламус арты, metathalamus
Таламус немесе көру төмпесі-сұр заттың жұмыртқа тәрізді бірігуінен пайда болған жұп дене, ақ затпен жабылған. Алдыңғы бөлігі қарынша аралық тесікке, артқы бөлігі 4 төмпешікке жанасады. Оның сыртқы беті ми жарты шарларымен біріккен құйрықты ядро және ішкі капсуламен шектеседі. Көру төмпесінің ішкі беті III қарыншаның қабырғасына, төменгісі гипоталамусқа жалғасады. Таламусты сезгіш «жиынтығы» деп атайды. Себебі, онда иіс сезуден басқа барлық сезудің қыртысасты орталығы біріккен. Осы жерде алынған барлық хабарларға биологиялық баға беріледі. Таламуста адамның көңіл – күйінің қыртысасты орталығы (ашулану, қаһарлану, қорқу т.б) орналасқан. Таламус зақымданғанда: бас қатты ауырады, ұйқы, сезу, қимылдың дәлдігі бұзылады. Еріксіз қимыл пайда болады.
Epithalamus немесе таламус үсті. Бұған эпифиз, ми жүгені кіреді. Эпифиз (corpus pineale) – III-ші қарыншаның артқы жағында, төрт төмпешіктің үстінде орналасқан. Дене қызметінің тәуліктік ырғағына әсер етеді, ішкі секреция безіне жатады.
Metathalamus – немесе таламус арты. Таламус артында екі кішкене төмпешік – иінді денелер бар. Латералды иінді денеге көздің торлы қабығынан басталған көру жолының нейрондары бағытталып, одан сол нейронның аксондары ми қыртысының көру аймағына кетеді. Медиалды иінді дене - естудің қыртыс асты орталығы. Ішкі құлақтан басталған есту. Ол медиалды иінді денеге, одан аксондары бас ми қыртысына бағытталады.
Гипоталамус немесе таламус асты, құрсақтағы дамуға байланысты екі бөлімге бөлінеді:
Достарыңызбен бөлісу: |
