Дәріс 6 Саяси жүйе

Саяси жүйе дегеніміз – қоғамдағы көпшілік билік жүргізетін және азаматтардың мемлекеттегі байланысын ұйымдастыратын әлеуметтік – саяси институттар мен құндылықтар жиынтығы

1 2 3 4 5

Байланысты:
саясаттану 6

Саяси жүйе дегеніміз – қоғамдағы көпшілік билік жүргізетін және азаматтардың мемлекеттегі байланысын ұйымдастыратын әлеуметтік – саяси институттар мен құндылықтар жиынтығы.
Д.Истонның саяси жүйе үлгісі.

Сонымен, қоғамның саяси жүйесі деп біз өз шеңберінде жариялы түрде саяси билік пен азаматтардың байланыстарын жүзеге асыратын түрлі саяси институттардың, әлеуметтік қауымдастықтардың өзара әрекеттесуінің формаларының, принциптерінің және арақатынастарының жүйелі жиынтығын айтамыз.
Саяси жүйенің негізгі белгілері:
оның шеңберінде саяси билік механизмі қалыптасып, жетілдіріледі;
жариялы күш көрсету монополиясына үміткер болады;
қоғамның әлеуметтік, экономикалық, рухани құрылымынан туындайды;
салыстырмалы дербестікке ие болады;
қоғамды саяси тұрғыдан ұйымдастырады.

Үнді саясаттанушысы Р. Шарон саяси жүйенің негізгі құрамдас бөліктерінің қатарына билікті, саясатты, және саяси мәдениетті жатқызады.
Саяси жүйенің атқаратын қызметтерін, яғни функцияларын талдауда әр түрлі көзқарастар бар. Жалпы оларды ішкі және сыртқы деп бөледі. Ішкі қызметтер қатарына: экономикалық- әлеуметтік жүйені қорғау, халық шаруашылығы комплексін басқару, шаруашылықты бақылау, әлеуметтік саяси күштерді консолидациялау, әлеуметтік-саяси қатынастарды бақылау, мәдени-тәрбиелеушілік іс-әрекеттері кіреді. Сыртқы функцияларға: тәуелсіздікті сақтау, мемлекеттік мүдделерді қолдау, басқа мемлекеттермен қарым-қатынасты дамыту, жаһандық проблемаларды шешуге қатысу жатады.

Достарыңызбен бөлісу:

1 2 3 4 5