Ие-өсімдік пен патоген арасындағы байланыс. Өсімдіктердің жұқпалы ауруларын қоздыратын микроағзаларға саңырауқұлақтар мен бактериялар, микоплазмалар және вирустар мен вириондар жатады. Жұқпалы аурулар ие-өсімдік пен оларды қоздыратын патогенді ағзалардың бір-бірімен ара қатынасы нәтижесінде туын- дайды. Олар ауру қоздырғышының мамандануы мен уыттылығы, ие-өсімдіктің бейімділігі немесе инфекцияға қарсы тұра білуімен қатар, қоршаған орта әсерлеріне, мәселен ауа ылғалдылығы мен температурасы және т.б. көптеген факторларға тығыз байланысты келеді. Соңғы деректерге қарағанда саңырауқұлақтар қоздыратын өсімдік ауруларының жалпы саны 20 мыңға жуық болса, вироздар – 600-ге, ал бактериоздар – 200-ге жуық көрінеді.
