4.2 Химиялық байланыстың түзілу механизмдері және әдістері Қазіргі кездегі ұғымға сай химиялық байланыстың табиғаты туралы неғұрлым толық түсінікті валентті байланыстар (ВБ) мен молекулалық орби-талдар (МО) әдістері береді.
Екі әдіс те келесі жағдайларға негізделген:
1) химиялық байланысқа электрлік табиғат тән, оның түзілуінің қозғаушы күші – әрекет етуші жүйенің энергияны төмендетуге ұмтылуы болып табылады; 2) атомдық орбиталдар (АО) – энергиялары бойынша жақын және байланыс сызығына қатысты бірдей симметриялы болған кезде едәуір дәрежеде қабысатын молекулалық орбиталдар (МО) түзуі мүмкін. 3) МО үшін де АО сияқты Паули принципі орындалады. Валентті байланыстар және молекулалық орбиталдар әдістері математикалық өңдеу негізіне Шредингер теңдеуі қолданады. Екі әдіс те ұқсас нәтиже береді және бірін-бірі толықтырады; олар бір-бірінен молекулалық орбиталдарының құрылымы жағынан өзгешеленеді. Әрбір әдістің ерекшелігін қарастырайық.
