Дәріс мазмұны Гуманистік психологияның қалыптасу тарихы

1. 
   Гуманистік психологияның қалыптасу тарихы.
   
2. 
   Маслоу концепциясы
   
3. 
   Гуманистік психологияның шетелдік тұжырымдамалары.
   

1. 
   Гуманистік психологияның қалыптасу тарихы.
   

Психологиядағы ірі бағыттардың бірі - гуманистік психология. Ол бихевиоризмге және психоталдау теорияларына қарсы бағытталған. Гуманистік психологияның негізін салушылардың басты мақсаты адам мәселесін түсіндіруде бихевиоризм мен фрейдизмнің кемшіліктерін түзеу және бірден-бір дұрыс, өмірлік психологияны таңдау болып табылады.

Гуманистік психологияның мынадай негізгі қағидаларын бөліп көрсетуге болады:^[1]

• 
  адам өзінің біртұтастылығымен зерттелінуі қажет;
  
• 
  әрбір адам қайталанбас тұлға;
  
• 
  адам дүниеге ашық болып келеді, адамның дүниені және өзін-өзі дүниеде сезінуі басты психологиялық ақиқат болып табылады;
  
• 
  адам өмірі тұлға болмысы қалыптасуының бірыңғай процесі ретінде қарастырылуы қажет;
  
• 
  адамның бойында оның табиғатының бөлшегі болып табылатын үздіксіз дамып жетілуге және өзін-өзі танытуға деген күш-қуаты болады;
  
• 
  өзінің шешімдері мен әрекеттерінде басшылыққа алатын мағыналар мен құндылықтардың негізінде адамның сыртқы түрткі күштерден белгілі бір тәуелсіздік дәрежесі болады;
  
• 
  адам — ол интенциялы, белсенді, жігерлі, творчестволық жан.