Іш жүргізетін дөрілер а) Ішектің барлық бөлімдеріне әсер ететін іш жүргізетін дәрілер. Тұзды іш жүргізетін дәрілер (ішектің осмостық қысымын жоғарлатады):
магний сульфаты, натрий сульфаты, табиғи карловар тұзы.
Әсер ету механизмі: бұл препараттар асқазан-ішек жолдарында нашар сіңіріліп, ішектің осмостық қысымын жоғарылатып, судың сіңірілуін төмендетеді. Ішек құрамының көлемі жоғарылайды, ол рецепторлардың тітіркенуіне және ішектің толқи жиырылуының күшеюіне алып келеді. Препаратты 1-2 стакан сумен қабылдаған жөн, әсері 2-4 сағ. соң байқалады. Жіті іш қатуда, жедел улануда және кейбір құрттарға қарсы дәрілермен емделуде бірге колданылады.
Жанама әсері: магний иондары резорбтивті әсер көрсетуі мүмкін, әсіресе бауыр жеткіліксіздігінде және ОЖЖ-ң және жүрек жұмысының тежелуін туғызуы мүмкін, ал балаларда ағзаның сусыздануына алып келеді. Тұзды іш жүргізетін дәрілерді әрдайым қолдануға болмайды, себебі олар құнарлы заттардың сіңірілуін бұзады. Балалардың жүрек және бүйрек жеткіліксіздігінде абайлап қолдану қажет.
