Дәрістер кешені пән: iszs 4200
Бөлмелерге орнатылатын жылыту аспаптарына түрлі талаптар қойылады
жүктеу/скачать 2,68 Mb.
|
дәріс
| Бөлмелерге орнатылатын жылыту аспаптарына түрлі талаптар қойылады:
санитарлық–гигиеналық - бет температурасы салыстырмалы түрде төмен болуы, аспаптың көлденең бетіне шаң қонатындықтан, ауданы шектеулі болуы, аспап бетін шаңнан тазарту ыңғайлы болуы керек; экономикалық – аспап құны салыстырмалы түрде арзан, аспапқа жұмсалатын металл шығыны аз болуы керек; сәулеліктік – құрылыс– аспаптың сыртқы түрі бөлме интерьеріне сай болуы, аспаптың бөлмедегі алатын ауданы аз болуы тиіс; өндірістік – монтаждық – еңбек өнімділігін арттыру үшін аспаптарды дайындау және монтаждауды механикаландыру; пайдалану бойынша – аспаптардың жылу беруін реттеу мүмкіндігі, аспап ішіндегі гидростатикалық қысымның шекті жұмыс жағдайында температураның тұрақты және қабырғаларынан су өтпеуі. Жылыту аспаптарына сонымен қатар, жылутехникалық талап қойылады: аспап қабырғасының бірлік ауданы арқылы бөлмеге жылутасымалдағыштан неғұрлым көп мөлшерде жылу ағынын алып беруі қажет. Сонымен қатар, аспаптар механикалық төзімді, тасымалдауға ыңғайлы, су және бу өтпейтін болуы керек. Жоғарыдағы талаптарға түгелдей жауап беру мүмкін емес, аспаптардың алуан түрлі болуыда сондықтан. Жылыту аспабының 6 түрі бар: радиаторлар,панельдер, қырлы құбырлар,тегіс құбырлы аспаптар және Радиаторлар – жылыту техникасында кеңінен қолданылады, сұр шойыннан жеке секциялар түрінде жасалады (19-сурет). Радиатордың жеке секцияларынан ниппельдер арқылы ауданы әртүрлі жылыту аспаптарын құрастырады. Радиаторлар – конвективті- радиациялық типтес аспаптарға жатады. Жылыту бетон панельдері (21-сурет) - диаметрі 15-20 мм құбырларды иректеп немесе колонна түрінде жүргізіп, бетон немесе бетон ішіне шыны, пластмасса, бетон каналдар жүргізеді. Конвекторлар – қырланған құбырдан және қаптамадан тұратын конвективті аспаптар (75 % артық жылу конвекциямен беріледі) (22-сурет). 22-сурет. 1-қырлы жылыту элементі; 2- қаптама; 3-ауа қақпағы Қырлы құбырлар – ашық орнатылатын, конвективті типтегі жылыту аспаптары, шойыннан дайындалады, жылыту жүйесіне жалғау үшін ұштарын фланецті қосылыс етіп жасайды (23-сурет). 23-сурет
Тегіс құбырлы аспаптар – Ø 32 ÷ 100 мм құбырлардан ирек немесе колонна (регистр) түрінде жасалады (24-сурет). а) – ирек құбырлы; б)- регистр 24-сурет. Калориферлер – құбырдың бірнеше қатар қырларының арқасында едәуір жылыту ауданы бар ықшам жылыту аспаптары (18, е –сурет). Калориферлерді ауамен жылытудың жергілікті және орталық жүйелерінде қолданады. Жылыту жүйелерінің жылыту аспаптары әдетте, сыртқы қабырға тұсына, көбінесе терезе астына орнатылады, себебі, терезеден келетін суық ауа ағындарына тосқауыл болады. Жылыту аспабының түрі ғимарат пен бөлмелердің арналуына қарай таңдалады. Жылыту аспатарын таңдауға байланысты ұсыныстар мен олардың бетінің шекті температурасы СниП құжаттарында беріледі. Орталықтан жылыту жүйелерінің құбырлары жылутасымалдағыштың есепті мөлшерін жылыту аспаптарына жеткізуге және суыған жылутасымалдағышты одан әкетуге арналады. Орталықтан жылыту жүйелерінде металл (болат, мыс және т.б.) және металл емес (пластмасса, шыны және т.б.) құбырлар қолданылады. Жұмсақ көміртекті болаттан жасалған жапсарлы және жапсарсыз құбырлар dу=15÷150 мм кеңінен қолданылады. Жылыту жүйелерінің құбырлары сумен жылыту жүйелерінде беру және қайту магистральдары, бумен жылыту жүйелерінде бу және шық құбыбырлары, сонымен қатар, жылыту желілері және аспаптарға жеткізуші құбырлар болып бөлінеді. Жоғарыдан тартылған жүйелерде беру магистралін шатырда немесе кей жағдайларда, жоғарғы қабаттың төбесі астынан тартады, ал қайту магистралін төледе немесе бірінші қабаттың едені астынан тартады. Төменнен тартылған жүйелерде екі магистральді де төледе немесе бірінші қабат едені астында тартады. Жылыту желілері сыртқы қабырға тұсында тік тартылады. Бұрыштағы бөлмелерде оларды бұрыштан жүргізген дұрыс. Жауып-реттегіш арматуралар - жылыту жүйесін толығымен немесе жеке бөліктерін, желілерді, жылыту аспаптарын жылудан ажыратуға және сонымен бірге реттеуге арналады. Жылыту жүйелерінің жауып-реттегіш арматуралары муфталық (dу≤40; 50 мм) және фланецті (dу≥ 50 мм) болып бөлінеді. Жылыту техникасында жауып-реттегіш арматура ретінде көбінесе ысырмалар, вентильдер, крандар және үш жүрісті крандар қолданылады (25-сурет) а) ысырма; б) вентиль;в) тығынды кран; г) үш жүрісті кран схемасы. 25-сурет. Жылыту жүйесінің барлық элементтерінің (құбыр, жылыту аспаптары, арматуралар, жабдықтар және тағы басқа) ішкі жағы сумен толтырылған. Жүйедегі толтырылған су оны пайдалану барысында біраз өзгерістерге ұшырайды: су температурасы жоғарылағанда көлемі ұлғаяды, ал төмендегенде көлемі азаяды. Сәйкесінше ішкі гидравликалық қысым өзгереді. Бірақ бұл өзгерістер жылыту жүйесінің жұмысына, әсіресе, ондағы элементтердің төзімділігіне зиянды әсерін тигізбеуі қажет. Сондықтан, жылыту жүйесіне тағы бір қосымша элемент – кеңейту ыдысы қосылады. Кеңейту ыдысының негізгі қолданылу мақсаты - жүйедегі су қызған кезде көлемінің ұлғаюы нәтижесінде пайда болатын артық суды қабылдау. Бұл кезде жүйеде белгілі бір гидравликалық қысым болады. Сонымен қатар, ыдыс жүйеден шамалы мөлшерде су жоғалатын болса немесе су температурасы төмендегенде су көлемі азаятын болса, жеткіліксіз судың орнын толтыруға арналады. Ашық ыдыс арқылы артық су ағып кетеді. Кей жағдайларда ашық ыдыс ауа ажыратқыш және ауа әкеткіш құрылғы ретінде қолданылады. Жасанды айналымдағы сумен жылыту жүйесініңсхемасы 27-суретте берілген. Жылыту жүйелері (бір құбырлы, қос құбырлы, жоғарыдан тартылған, төменнен тартылған, жылутасымалдағыш қозғалысы тұйықталған және бағыттас) сыртқы жылумен қамту жүйелеріне көп жағдайда элеваторлар арқылы жалғанады. Элеваторда сыртқы жылу тармағынан келетін ыстық су жылыту жүйесінің қайту магистралінен келетін суыған сумен араластырылып, жылыту жүйесіне қажетті есепті температурамен жіберіледі. жүктеу/скачать 2,68 Mb. Достарыңызбен бөлісу:
|