Негізгі сұрақтар:
Химиялық жүйелердің термодинамикалық функциялары: ішкі энергия, энтальпия, энтропия, Гиббс энергиясы.
Химиялық реакцияның жүру мүмкіндігін бағалау үшін бастапқы және реакция өніміндегі заттардың түзілуінің стандарттық энтальпия және стандарттық изобарлық потенциалдарының мәндерін пайдалану.
Қысқаша мазмұны:
ХИМИЯЛЫҚ ЖҮЙЕЛЕРДІҢ ТЕРМОДИНАМИКАЛЫҚ ФУНКЦИЯЛАРЫ.
Сыртқы ортамен затпен және энергиямен алмасу қабілеті бойынша жүйелер келесі бола алады:
- жекеленген (жылу да, зат та алмастырмайды);
- жабық (энергиясын алмастырады);
- ашық (зат пен де энергиямен алмасады).
Химиялық жүйелер термодинамикалық функциялармен сипатталады.
Ішкі энергия U – жүйеге кіретін барлық молекулалар, атомдар, электрондар қозғалысының энергиясы, молекулааралық байланыс энергиясы және бөлшектердің кеңістіктегі орнына байланысты кинетикалық және потенциалдық энергиялары. Жекеленген жүйеде ішкі энергия өзгермейді. Ішкі энергия – жүйе энергиясының жалпы қоры. Ішкі энергияның абсолют мәнін табу мүмкін емес. Тек оның бір күйден екінші күйге ауысқандағы өзгерісін ғана анықтаға болады.
ΔU = U2 – U1 кДж/моль
ΔU = Q– A; A = p ΔV;
мұнда: ΔU – ішкі энергияның өзгерісі,
Q – химиялық реакцияның жылу эффектісі,
A – жұмыс,
р - сыртқы қысым,
ΔV – көлем өзгерісі.
Тұрақты көлемде жүретін химиялық реакциялар – изохоралық деп аталады:
ΔV = 0, А =0, ΔU = QV (изохоралық жылу эффекті).
Тұрақты қысымда жүретін химиялық реакциялар – изобаралық деп аталады:
Δр =0, ΔU + p ΔV = Qр (изобаралық жылу эффекті).
U + pV = Н (энтальпия), Qр = ΔН, ΔН = Н2 – Н1 кДж/моль.
Достарыңызбен бөлісу: |
