Ізденушінің диссертациясында тұжырымдалған әрбір ғылыми нәтижесі /қағидасы/ мен қорытындысының жаңалық дәрежесі.
Ізденуші тіл тағылымы мен тілдің танымдық тетіктерін тануда Абай мен Шәкәрім шығармаларының маңыздылығын, олардың тілдік сабақтастығы мен танымдық үндестігі, логика-психологиялық, философиялық ерекшеліктері ұлттық құндылықтар мен әлемнің тілдік бейнесінің жоғары көрсеткіші болып табылатындығын ғылыми түрде пайымдап, когнитивтік мәніне өзінше баға бере алған (32-41 б., 41-51 б.)
Диссертант Абай мен Шәкәрім шығармаларына тән ортақ танымдық арналарға негіз болған концептілердің жүйесін 1) жеке тұлғаның өмірді қабылдау сезім-түйсіктеріне орай метафизикал ық, эмоционалды концептілер жүйесі; 2) қарама-қарсының бірлігі арқылы танылатын контрасты концептілер жүйесі; 3) рухани құндылықтар концептісі деген үш топқа бөліп қарастырады. (61-6.) Осы бөліністің негізінде «махаббат», «ар», «иман», «тағдыр», «өмір/өлім» концептілер өрісі түзіліп, қос ақын шығармаларының тіліндегі әлем бейнесі суреттеледі
175
Зерттеушінің «Абай мен Шәкәрім шығармаларындағы әлемнің тілдік бейнесінің сипаты» атты екінші тарауындағы тірек концептілер жүйесін анықтап, концептуалды талдау жүргізуі назар аударуға тұрарлық дүние. Абай мен Шәкәрім шығармаларында ең ірі концептілікжүйе құрайтын өмір, өлім, алла, ар-ұят, махаббат, иман сияқты концептілер өз ішінде көптеген фреймдер, концепт-сценарийлер, концепт-схемалар арқылы түсіндіріледі (65-74 б., 76-85 б., 87-94 б., 115-130 б.) Осылайша жіктеп бөлуі де зерттеу жаңалықтарының бірі деп ойлаймыз.
