Гобелен тоқу өнері сияқты кілем тоқу өнері ерте кезден көшпенділер тұрмысымен қатар дамыды. Әсемдік денгейде көп тараған қолөнер шеберлерінің туындыларының бір бөлігін гобелендер құрайды.Қолданбалы өнердің ішінде тек гобеленде ғана сан- саналы тәсілдер қолдану керек. Көптеген көрмелер мен вернисаждарды аралап шықсаңыз, бұған көз жеткізу қиын емес. Көрмелерде қолөнер сан-түрлі күйде паш етілген. Бұл «классикалық» тәсілмен атқарылған тегіс, жалпақ гобелендер мен шпалералар, сондай-ақ, қазіргі заманғы аралас тәсіл қолданылатын фактуралы дүниелер. Ауқымды, кең гобелендер ерекше топқа жатқызылады, оның ішіне, қолмен тоқылған киім-кешектің авторлық үлгілеріде енеді.
Гобелен-тың, қызықты, һәм болашағы бар көркемдік құбылыс. Бірнеше жылдың ішінде оның толыққанды тамыр жаюына салт-дәстүріміздің сақталғаны септігін тигізсе керек. Біздегі тоқыма өнері, кестелеп өрнек салу, киіз басу мен кілем тоқу –осының бәрі түптің түбінде жаңа қолданбалы өнердің қалыптасуына негіз болды.
«Гобелен» деген кілем немесе суретті кілем деген мағынаны береді. Кілем тоқу өнері өте ертедегі ежелгі Египет, Грек скифтері дәуірінен бастау алған. Орта ғасырда қабырғаларда тоқыма суреттері мен безендіру кең таралған. Суреттермен безендіру қазіргі біздің қолданып жүрген гобелен деген сөз XIII ғасырда қолданылған.
Достарыңызбен бөлісу: |
